ՊՆ-ն հրապարակել է ռազմական ինստիտուտների ընդունելության օրացույցը

ՀՀ պաշտպանության նախարարությունը հրապարակել է ՀՀ ՊՆ Վ. Սարգսյանի անվան ռազմական և ՀՀ ՊՆ մարշալ Ա. Խանփերյանցի անվան ռազմական ավիացիոն ինստիտուտների ու օտարերկրյա պետությությունների ռազմաուսումնական հաստատությունների 2015/2016 ուսումնական տարվա ընդունելության օրացույցը: Ինչպես տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, բոլոր դիմորդները կենտրոնացված կարգով ենթարկվելու են բուժզննման, հանձնելու են քննություն ֆիզիկական պատրաստությունից և անցնելու են մասնագիտական կողմնորոշման հարցազրույց:

ՀՀ ՊՆ Վ. Սարգսյանի անվան ռազմական ինստիտուտ թեկնածուների ներկայացումը տեղի կունենա հուլիսի 9-ին, ռազմաբժշկական փորձաքննության անցկացումը` հուլիսի 13-14-ը, ֆիզիկական պատրաստության ստուգում` հուլիսի 14-15-ը, իսկ ընդունելության մանդատային հանձնաժողովի նիստը` հուլիսի 21-ին:

ՀՀ ՊՆ մարշալ Ա. Խանփերյանցի անվան ռազմական ինստիտուտում թեկնածուների ներկայացումը տեղի կունենա հուլիսի 9-ին, ռազմաբժշկական փորձաքննության անցկացումը ՀՕՊ և կապ մասնագիտությամբ դիմորդների համար` հուլիսի 13-14-ը, ավիացիոն մասնագիտությամբ դիմորդների համար` հուլիսի 15-16-ը: Նույն բուհ ընդունման համար ֆիզիկական պատրաստության ստուգումը տեղի կունենա հուլիսի 16-ին, իսկ ընդունելության մանդատային հանձնաժողովի նիստը` հուլիսի 17-ին:

Օտարերկրյա պետությությունների ՌՈՒՀ-երի դիմորդների ընդունելությունը կատարվելու է ՀՀ ՊՆ Վ. Սարգսյանի անվան ռազմական ինստիտուտում թեկնածուների ներկայացումը ինստիտուտ տեղի կունենա հուլիսի 9-ին, ռազմաբժշկական փորձաքննության անցկացումը` հուլիսի 10-11-ը, ֆիզիկական պատրաստության ստուգումը տեղի կունենա հուլիսի 13-ին, իսկ ընդունելության մանդատային հանձնաժողովի նիստը` հուլիսի 17-ին:

Դիմորդները ՀՀ ՊՆ Վ. Սարգսյանի անվան ռազմական և մարշալ Ա. Խանփերյանցի անվան ռազմական ինստիտուտների ընդունելության համար պետք է ներկայացնեն մաթեմատիկա և ֆիզիկա առարկաներից միասնական քննությունների վկայագիրը:

Արտասահմանյան երկրների ՌՈՒՀ-երի ընդունելությունը իրականացվելու է մրցութային կարգով` հետևյալ առարկաներից միասնական քննությունների արդյունքների հիման վրա ՌԴ ՌՈՒՀ-երի համար` մաթեմատիկա, ֆիզիկա, ռուսաց լեզու, իսկ այլ պետությունների ՌՈՒՀ-երի համար` մաթեմատիկա, ֆիզիկա, անգլերեն (գերմաներեն, ֆրանսերեն):

ՀՀ պաշտպանության նախարարություն, Վ. Սարգսյանի անվան ռազմական ինստիտուտ, մարշալ Ա. Խանփերյանցի անվան ռազմական ավիացիոն ինստիտուտ, ռազմաուսումնական հաստատություններ, ուսումնական տարվա ընդունելություն