«Հրապարակ». Սամվել Բալասանյանը փոփոխությունները սկսել է քաղաքապետարանից

Գյումրիի նորընտիր քաղաքապետ Սամվել Բալասանյանը փոփոխությունները սկսել է քաղաքապետարանից: Մասնավորապես, փորձում է նոր աշխատակազմ ձևավորել և այդ ճանապարհին լուրջ դժվարությունների է հանդիպել: Բանն այն է, որ նա փորձում է նոր սկզբունք կիրառել’ բարձրացնել աշխատավարձերը, բայց պայմանով, որ առանց «լևի» եկամտի են աշխատելու, սակայն բազմափորձ ապարատչիկները պատրաստ չեն այդպես աշխատելու, և այդ առումով քաղաքապետարանում դժգոհություններ են հասունանում: Ասում են’ Բալասանյանը որոշել է նրանց, ովքեր հրաժարվում են այդ պայմանից, փոխարինել իր ընտանիքին պատկանող կառույցներում աշխատող կադրերով, քանի որ այլ տարբերակ չի տեսնում: