4 հիվանդից 3-ի մոտ հայտնաբերվել են սիբիրյան խոցի հարուցիչներ
Նմանատիպ
Սիբիրյան խոց կասկածելի ախտորոշմամբ Մարտունու հիվանդանոցի ինֆեկցիոն բաժանմունք է տեղափոխվել 4 մարդ, որոնցից երեքի մոտ հետազոտման արդյունքում հայտնաբերվել են սիբիրյան խոցի հարուցիչներ:
Առողջապահության նախարարության տեղեկացմամբ՝ հիվանդների վիճակը բավարար է, կան դրական տեղաշարժեր:
Նրանց հոսպիտալացումը տեղի է ունեցել Ծովակ, Կարճաղբյուր, Ծովինար, Խաչաղբյուր, Տորֆավան, Լուսակունք, Մեծ Մասիրք, Ներքին Գետաշեն, Ակունք, Սոթք համայնքներում իրականացված համայցերի արդյունքում:
ՀՀ գյուղատնտեսության նախարարության կողմից կենդանիների անկման մասին տրված տեղեկատվության հիման վրա միջոցառումներ են իրականացվում նաև ՀՀ Կոտայքի մարզում: Վարակված կենդանիների և դրանց մսեղիքի հետ շփված բոլոր անձանց նկատմամբ սահմանվել է բժշկական հսկողություն:
ՀՀ առողջապահության նախարարությունը հաղորդում է, որ իրավիճակը վերահսկելի է:
Հետևեք մեզ նաև Telegram-ում