Ռոնալդու. Ես գիտեմ, թե ինչու Մեսսին այդպես վարվեց

«Ռեալի» հարձակվող Կրիշտիանու Ռոնալդուն Չեմպիոնների լիգայի 1/8 եզրափակիչ փուլի՝ «Ռոմայի» հետ խաղից առաջ պատասխանել է լրագրողների հարցերին:

Նախախաղյա մամուլի ասուլիսի ժամանակ Ռոնալդուին նաև մրցաշարի հետ առնչություն չունեցող հարցեր են տվել. պորտուգալացուն խնդրել են մեկնաբանել Իսպանիայի առաջնության 24-րդ տուրի՝ «Բարսելոնա»-«Սելտա» (6:1) հանդիպմանը կատալոնացիների իրացրած 11-մետրանոց հարվածը:

«Կլինեմ կարճ և կոնկրետ: Ես գիտեմ, թե ինչու Մեսսին այդպես վարվեց: Ավելին չեմ ասի: Այժմ մտածեք՝ ինչ ցանկանում եք»,-Ռոնալդուի խոսքը մեջբերված է «AS»-ից:

Հիշեցնենք, որ «Սելտայի» դարպասին նշանակված 11-մետրանոցն իրացնելու համար նշակետին մոտեցավ Լիոնել Մեսսին, սակայն հարվածելու փոխարեն արգենտինացին փոխանցում կատարեց Լուիս Սուարեսին:

“>

Իսպանիայի առաջնության 24-րդ տուրից հետո ռմբարկուների ցուցակը գլխավորում է Լուիս Սուարեսը, ով 23 գոլ է խփել: Երկրորդ հորիզոնականում Կրիշտիանու Ռոնալդուն է, ում ակտիվում 21 գոլ կա: