Տ.Բալայան. «ՀՀ ԱԳՆ-ը բարձր է գնահատում ԵԱՀԿ Մինսկի խմբում Ռոբերտ Բրադկեի աշխատանքը»
24/12/2012 16:35
Նմանատիպ
ՀՀ ԱԳՆ-ը բարձր է գնահատում ԵԱՀԿ Մինսկի խմբում ԱՄՆ համանախագահի պաշտոնում իր առաքելությունն ավարտող Ռոբերտ Բրադկեի աշխատանքը, ինչպես նաև Մինսկի խմբի գործուներությունն ընդհանրապես դրական է գնահատվում: Այս մասին Times.am-ի խնդրանքով նշեց ՀՀ ԱԳՆ մամլո խոսնակ Տիգրան Բալայանը՝ հավելելով, որ այդ մասին բազմիցս հնչեցվել է տարբեր միջազգային ատյաններում:
Մեր հաջորդ հարցին, թե ինչ ակնկալիքներ ունեն նոր համանախագահից, Տ.Բալայանը անկեղծորեն զարմացավ՝ հարցնելով՝ մի՞թե արդեն նշանակվել է նոր համանախագահը:
Մեր դիտարկումը, թե այդ պաշտոնում ժամանակավոր պաշտոնակատար նշանակվել է Յան Կելլին, անսպասելի մնաց անպատասխան: Հեռախոսազանգն ընդհատվեց, և պարոն Բալայանը միանգամից հայտնվեց ռադիոծածկույթից դուրս տարածքում:
Հետևեք մեզ նաև Telegram-ում
