Վրաստանի պաշտպանության նախարարն առաջին անգամ կայցելի Հայաստան

Վրաստանի պաշտպանության նախարար Իրակլի Ալասանիան մարտի 7-ին իր առաջին այցը կկատարի Հայաստան, հաղորդում Է «Գրուզիա Online»-ը:

Ինչպես նշել Է Վրաստանի պաշտպանության նախարարությունը, այցի ընթացքում Ալասանիան հանդիպում կունենա ոչ միայն հայաստանյան իր պաշտոնակից Սեյրան Օհանյանի հետ, այլև հանդիպում Է ծրագրված նաև ՀՀ նախագահ Սերժ Սարգսյանի հետ:

Այցի ընթացքում կքննարկվեն երկու երկրների պաշտպանական գերատեսչությունների միջեւ ռազմական համագործակցության հարցերը: Դա վերաբերում Է ռազմական կրթությանն ու ուսուցմանը, պաշտպանության ոլորտի բարեփոխումներին:

Կողմերը նաեւ կքննարկեն 2013 թվականին պաշտպանության ոլորտում համագործակցության հարցերը: