ՌԴ-ն եւ Վրաստանն անայցագիր ռեժիմի չեն հասնի առանց դիվանագիտական հարաբերությունների. Լավրով
Նմանատիպ
Ռուսաստանը եւ Վրաստանը չեն կարողանա կարգավորել անայցագիր ռեժիմի սահմանման ընդգրկուն աշխատանքը դիվանագիտական հարաբերությունների բացակայության պայմաններում: Ինչպես տեղեկացնում է «Արմենպրես»-ը, «Իզվեստիա» թերթում հրապարակված հարցազրույցում այս մասին հայտարարել է Ռուսաստանի արտաքին գործերի նախարար Սերգեյ Լավրովը:
«Ռուսաստանի եւ Վրաստանի միջեւ նման ընդգրկուն աշխատանքն իրատեսական չէ կարգավորել դիվանագիտական հարաբերությունների բացակայությամբ,– ընդգծել է Լավրովը:- Մենք բաց ենք մնում դրա հետ կապված հարցերի համատեղ համակողմանի մշակման համար»:
Լավրովը նաեւ հայտնել է երկու երկրների միջեւ չվերթեր կատարող ինքնաթիռների անձնակազմերի համար՝ ներկայում պատրաստվող այցագրային պարզեցման մասին:
Մոսկվայի եւ Թբիլիսիի միջեւ դիվանագիտական հարաբերությունները խզվել են 2008 թվականի սեպտեմբերին Վրաստանի նախաձեռնությամբ՝ Մոսկվայի կողմից Աբխազիայի եւ Ցխինվալի տարածաշրջանի ճանաչման պատճառով, հաղորդել է ՏԱՍՍ-ը:
Հետևեք մեզ նաև Telegram-ում