Ռոբերտո Կառլոս. «Բարսելոնան» կհաղթի

Այսօր կեսօրին «Միլանի» օդանավը վայրէջք է կատարել Բարսելոնայի «Prat» օդանավակայանում: Սակայն Պացցինին բացակայում է, քանի որ բժշկական հետազոտության արդյունքում նրա մոտ մկանային և ոսկրային կանտուզիա է հայտնաբերվել:

«Միլանի» ֆուտբոլիստները մնալու են «Juan Carlos I» հյուրանոցում ՝սպասելով «Բարսելոնայի» հետ կարևորագույն խաղին: Մինչդեռ «Բարսելոնայի» երկորդ մարզիչ Խորդի Ռոուրան հայտնել է, որ թիմի կիսապաշտպան Չավին «Միլանի» հետ խաղը գուցե պահեստայինների նստարանից սկսի, քանի որ նոր է ապաքինվել.

«Չավին կրկին մեր տրամադրության տակ է, ու դա շատ լավ նորություն է: Սակայն դեռ պարզ չէ, նա «Միլանի» հետ խաղում առաջին րոպեներից դուրս կգա դաշտ, թե՞ ոչ»,- ասել է նա:

Խաղի վերաբերյալ կանխատեսումներ է արել «Անժիի» տնօրեն Ռոբերտո Կարլոսը, ով կարծում է, որ այսօրվա խաղում «Բարսելոնան» «Միլանին» հաղթելու ռեալ շանսեր ունի. «

Կարծում եմ, որ Չեմպիոնների լիգայի հաջորդ փուլի ուղեգիրը «Բարսելոնայինն» է լինելու: Բանն այն է, որ նրանց դաշտի ծածկն ավելի լայն է: Այն շատ հարմար է, որ «Բարսելոնան» կարողանա հաղթել: Այնպես որ, «Միլանին» հեշտ չի լինելու»: