Հիտլերյան կոչերը Էրդողանի բերանով

Ընդդիմադիր ԺՀԿ (CHP) կուսակցության անդամ, պատգամավոր Էմինե Ուլքերը Թուրքիայի Ազգային Մեծ Ժողովի (ԹԱՄԺ-TBMM) նիստերից մեկի ժամանակ  վարչապետ Ռեջեփ Թայիփ Էրդողանիին համեմատել է Հիտլերի հետ: 

Ըստ թուրքական «ինտերնետհաբեր» լրատվական կայքի’ Ուլքերը ասել է հետևյալը. «Վարչապետը ամենաքիչը 3 երեխա էր ուզում, հիմա էլ դարձրեց 5: 1940-ականներին էլ մեկն ասել էր, որ կինը ամենաքիչը 4 երեխա պետք է ունենա, 4 և ավել երեխա ունենալու դեպքում կպարգևատրվի: Այս խոսքերը Հիտլերինն են»:

Ի պատասխան այս խոսքերին իշխող «Արդարություն և զարգացում» կուսակցության (ԱԶԿ-AKP) պատգամավոր Նուրեթին Ջանիքլին էլ հակադարձել է Ուլկերին’ ասելով. «Հիտլերը ճաշ էլ էր ուտում: Ի՞նչ է , բոլոր ճաշ ուտողները ֆաշի՞ստ են»: