Հայաստանը կներկայացվի «Touristik Welt» միջազգային ցուցահանդեսին
Նմանատիպ
Սույն թվականի մարտի 16-18-ին Հայաստանի ազգային մրցունակության հիմնադրամը ներկայացնելու է Հայաստանը Գերմանիայի Ռայնլանդ-Պալատինատե երկրամասի Մայնց քաղաքում տեղի ունենալիք «Touristik Welt» միջազգային ցուցահանդեսին:
Ինչպես հայտնում են Հայաստանի ազգային մրցունակության հիմնադրամի հանրային կապերի գրասենյակից, ցուցահանդեսին նախատեսվում է 70 ընկերությունների և շուրջ 20 հազար այցելուի մասնակցություն:
Հայաստանն այս ցուցահանդեսին մասնակցում է առաջին անգամ՝ նպատակ ունենալով նպաստել Հայաստանի զբոսաշրջության խթանմանն ուղղված ջանքերին և զարգացնել ներգնա զբոսաշրջությունը:
Միջոցառմանը Հայաստանի մասնակցության մասին պայմանավորվածությունը ձեռք է բերվել նախորդ տարվա դեկտեմբերին ՀՀ Վարչապետ Տիգրան Սարգսյանի՝ Գերմանիայի Դաշնություն պաշտոնական այցի շրջանակներում Ռայնլանդ-Պֆալց երկրամասի վարչապետ Քուրտ Բեկի հետ հանդիպման ընթացքում:
Հետևեք մեզ նաև Telegram-ում