Տ. Կարապետյանը հեռանում է քաղաքականությունից
Նմանատիպ
Այսօրվա ասուլիսի ժամանակ Ժողովրդական կուսակցության նախագահ Տիգրան Կարապետյանը կարծիք հայտնեց, որ Երևանի ավագանու ընտրություններում ընտրացուցակի առաջին տեղն առաջարկելով ՀՀ նախկին արտգործնախարար Վարդան Oսկանյանին՝ «Բարգավաճ Հայաստան» կուսակցությունը թուլացրեց իր դիրքերը:
«Այս ամենից երևում է, որ նախկին նախագահի թիմն է, կամ թիմակիցները: Ժողովուրդը նրան միանշանակ չի ընդունի: Եթե գյուղում կարող են դա խորը չվերլուծել, ապա մայրաքաղաքում բոլորը դա հասկանում են», – ասաց բանախոսը:
Նրա կարծիքով՝ Հանրապետական կուսակցությունից հետո երկրորդ տեղը կզբաղեցնի «Ժառանգությունը»:
Իսկ ինչ վերաբերվում է իրեն, ապա Տիգրան Կարապետյանը բարձրաձայնեց, որ հեռանում է քաղաքականությունից, իսկ իր ղեկավարած Ժողովրդական կուսակցությունն ավագանի ընտրություններին չի մասնակցելու: Իր այս որոշման պատճառը դարձել է վերջին քաղաքական գործընթացները, նա մանավանդ ընտրություններից իր հիասթափությունը:
Հետևեք մեզ նաև Telegram-ում