Մենք գնում ենք աշխատելու. Տիգրան Ուրիխանյան
Նմանատիպ
«Մենք գնում ենք աշխատելու, բարեփոխումներ անելու»,- այս մասին այսօր լրագրողների հետ հանդիպմանն ասաց ԲՀԿ խմբակցության պատգամավոր, կուսակցության մամուլի խոսնակ Տիգրան Ուրիխանյանը:
Նա նշեց, որ իրենց քարոզարշավը կմեկնարկի ապրիլի 7-ից:
Անդրադառնալով ապրիլի 9-ին Սերժ Սարգսյանի երդմնակալությանը մասնակցելուն, Ուրիխանյանն ասաց, որ այդ մասին միանձնյա կարծիք չի կարող հայտնել, և այդ թեմայով ԲՀԿ-ում քննարկում չի եղել:
Նրա խոսքով’ բոլոր մրցակիցները հարգանք են վայելում իրենց մոտ, սակայն ԲՀԿ-ի շանսերն շատ ավելի բարձր է գնահատում:
«ԲՀԿ-ն երբեք չի մասնակցել նախագահական ընտրությունների, բայց դա չխանգարեց հասնել արդյունքի խորհրդարանական ընտրությունների ժամանակ: Եթե ընտրություններն իսկապես խայտառակ ձևով անցնեն, բացահայտ անօրինականություններ լինեն, ապա ԲՀԿ-ն, այո, կհրաժարվի մանդատներից, սակայն մենք ամեն ինչ անելու ենք դա թույլ չտալու համար, աշխատելու ենք ընտրողների հետ, հետևողական ենք լինելու ընտրացուցակների ճշգրտման հարցում»,-ավելացրեց բանախոսը:
Անդրադառնալով ՀՀԿ-ԲՀԿ ներկայացուցիչների ֆեյսբուքյան հակամարտությանը, Ուրիխանյանը նշեց, որ չգիտի, թե որքան կշարունակվի:
Հետևեք մեզ նաև Telegram-ում