AM | RU
USD
EUR
RUB

23-ամյա երիտասարդների պատրաստած «զգացմունքաշատ» շոկոլադները ոչ այնքան ուտում, որքան նվիրում են միմյանց

 

Հորաքրոջ նվերն ու «քաղցր» բիզնեսը

23-ամյա Գրիգորենց տունը դժվար թե «քաղցր տան» վերածվեր, իսկ «Sweet house»-ն էլ դժվար թե ծնվեր, եթե նորարար երիտասարդը չփորձեր հորաքրոջն ուրախացնել իր իսկ ձեռքով պատրաստած ինքնատիպ նվերով: Իսկական շոկոլադի համն իմացող և փաթեթավորմանը ոչ պակաս կարևորություն տվող Գրիգորը որոշեց, որ հորաքրոջը հենց իր ձեռքով պատրաստած «քաղցր» նվեր պետք է մատուցի: Եվ մտահղացումն իրագործելու համար սկսեց ուսումնասիրել շոկոլադի պատրաստման տեխնոլոգիան` մասամբ համացանցի, մասամբ էլ` փորձառու տեխնոլոգների օգնությամբ: Շոկոլադի արտադրության տեսական մասը տևեց կես տարի և 2016 թվականի վերջին ծնվեց «Sweet house»-ը: Տունը քաղցրացրած արտադրությունը որոշ ժամանակ անց տեղափոխվեց հատուկ այդ նպատակով բացված արտադրամաս, բայց ի սզբանե ստացած անվանումը մնաց անփոփոխ` «Sweet house»: Ինչպես Գրիգորն է ասում, ստացվեց բիզնես, որի մասին ոչ մտածում էինք, ոչ էլ առավելևս` պլանավորում. «Ուզում էինք պատրաստել շոկոլադ, որը կլինի համով և յուրահատուկ դիզայնով: Ինձ այդ գործում սկսեց օգնել ընկերս` Կարոն: Սկզբում վաճառելու նպատակ չենք ունեցել, բայց երբ մեր ընկերները մի քանի նմուշ տեսան, հորդորեցին վաճառքի հանել: Ի վերջո որոշեցինք մի քանի հատ փորձնական դնել քաղցրավենիքի խանութում: Հետաքրքրությունը բավականին մեծ էր, անկեղծ ասած, մենք չէինք սպասում: Գիտե՞ք որն է պատճառը. մարդիկ շոկոլադը քացրավենիք ընկալելուց զատ, ընկալում են որպես նվեր: Ահա թե ինչու շատ կարևոր է արտաքին տեսքը: Եվ քանի որ մենք հենց սկզբից էլ մեծ ուշադրություն ենք դարձրել դիզայնին, ըստ այդմ` միանգամից հետաքրքրություն առաջացրին «Sweet house»-ի շոկոլադները»:

Համահեղինակները վստահեցնում են` ամեն մի տուփի դիզայնի վրա աշխատում են օրերով և թե´ գույնով, թե´ գրառումներով և թե´ տեսքով ինքնատիպ են հայկական շոկոլադների հավաքածուները: Սկզբում միայն սիրային, իսկ հիմա նաև տարբեր գրառումներով շոկոլադներ կարելի է պատվիրել «Sweet house»-ից: Երբ արդեն կյանքի կոչվի համահեղինակների վերջին գաղափարը` ստեղծել մոբայլ ափլիքեյշնի տեսքով հարթակ, ապա գնորդը հնարավորություն կունենա նաև անձամբ ընտրելու իր նախընտրած դիզայնը: «Ցանկացողները օնլայն տարբերակով կընտրեն դիզայնը և արդեն չեն սահմամանափակվի մեր առաջարկած տեսականիով: Պատվիրելուց երկու-երեք օր անց պատվերը կառաքվի»,-վստահեցնում է Գրիգորը:

Ուրախություն պարգևելու «sweet house»-յան բանաձևը

Մասիսում արտադրվող հայկական շոկոլադներն առայժմն հնարավոր է ձեռք բերել միայն առաքումով` բացառությամբ մասիսաբնակների: Երևանյան խանութներում ներկայանալու հնարավորություն կա, բայց համահիմնադիրները չեն ցանկանում որպես հերթական սալիկ արտադրողներ ներկայանալ: Շոկոլադների արտաքին տեսքն ու նշանակությունը` որպես ինքնատիպ նվեր, առաջին տեղում դասող Գրիգորը ֆինանսական շահը ներկա պահին չի կարևորում: «Չէի ցանկանա շատ շահույթ ունենալու դիմաց կորցնել բրենդը: Ես չգիտեմ մի արտադրողի, որ իր ապրանքի մեջ այդքան անհատականություն է դնում: Մենք ուղղակի գումար ստանալու համար չէ, որ արտադրում ենք շոկոլադ: Փորձում ենք այնպես անել, որ այն մեկին նվիրելու դեպքում ուրախության, հաճելի զգացողություններ պարգևի: Մտավախությունը, որ տարբեր որակային հատկանիշներով սալիկների կողքին «Sweet house»-ը կկորցնի անունը, ետ է պահում խանութներում ներկայանալուց: Հուսանք` մոտ ապագայում կունենանք մեր ֆիրմային խանութը»,-ասում է երիտասարդ գործարարը:

Խանութներում ներկայացված չլինելը, սակայն, չի խանգարում մասիսցի երիտասարդներին իրացնել բացառապես ձեռքով պատրաստվող սալիկները. Երևանից և Հայաստանի գրեթե բոլոր մարզերից պատվերներ ունեցել և առանց դժվարության առաքել են: «ֆեյսբուքյան էջի միջոցով տեսականուն ծանոթանալ և ցանկության դեպքում պատվիրել կարող է յուրաքանչյուրը` անկախ նրանից, թե որտեղ է ապրում,-վստահեցնում է Գրիգորը և հավելում: -Մեր շոկոլադները հետաքրքրություն են առաջացրել նաև Ռուսաստանում, բայց եթե հայաստանաբնակ պատվիրատուներին կարող ենք առաքել առանց դժվարության, ապա այս դեպքում պետք է մտածենք` ինչ հարթակ ստեղծել. դրսում ներկայանալ ֆիրմային խանութո՞վ, թե այլ ձևով: Ի դեպ, ասեմ, որ ԵԱՏՄ երկրներում վաճառելու լիցենզիան ունենք»:

Արտաքին շուկան խոստումնալից է, բայց համահիմնադիրները դեռ չեն շտապում. նախ` պետք է ներսում կայունանալ: Հուլիսի 22-ին կայանալիք շոկոլադի փառատոնին` «Choco Fest»-ին մասնակցությունն այդ ուղղությամբ հերթական քայլը կլինի, որտեղ կներկայացվեն «Sweet house»-ի 100 կշռով սև, սպիտակ, կաթնային ու տարբեր հավելումներով հայկական արտադրության շոկոլադե սալիկները:

Հավելումների հարցում համահիմնադիրները խստապահանջ են` այն ինչ հնարավոր է ձեռք բերել հայ արտադրողից, ձեռք են բերում հայ արտադրողից: Խստապահանջությունը սկզբունքորեն պահվում է նաև որակի հարցում. Կարապետի վստահեցմամբ` ամեն մի խմբաքանակ պարտադիր անցնում է լաբորատոր հետազոտություն: Այս առումով համահիմնադիրը նաև նշում է` շոկոլադների արտադրության մեջ շատ դեպքերում օգտագործվող անցանկալի սոյայի յուղն իրենք փոխարինում են կակաոյի յուղով:

Առայժմ փոքր խմբաքանակով` օրական 35-40 սալիկ պատրաստելով, երիտասարդները էժան հումք ձեռք բերելու ուղղությամբ չեն մտածում, վստահեցնում են` որակական պահանջները չեն փոխվի նաև ծավալների մեծացման դեպքում, իսկ գնային սանդղակը, որի ամենացածր նիշը ներկայում 800 դրամն է, բնականաբար, քաշից, բաղադրությունից ու փաթեթավորումից կախված` կփոփոխվի:

Լիլիթ ՊՈՂՈՍՅԱՆ

Լրահոս
Կառավարությունը նիստ է հրավիրել. ՈՒՂԻՂ Հայաստանում հաստատվել է կորոնավիրուսով վարակվելու 233 դեպք Պուտինը երեք գեներալի է աշխատանքից ազատել Կորոնավիրուսից մահացածների ու վարակակիրների թիվը՝ այսօրվա դրությամբ «Ժողովուրդ». Ոտնակոխ են անում հեղափոխության արժեքները «Ժողովուրդ». «Իմ քայլը» խմբակցության նիստը շատ բուռն է անցել. մանրամասներ «Ժողովուրդ». Ո՞վ կնշանակվի Ռազմական ոստիկանության պետ «Հրապարակ». ԱԱԾ-ի ռուսական կադրերի նկատմամբ տեռոր է սկսվել «Հրապարակ». Մակունցը որոշել է Հայկ Սարգսյանի «քթից բերել» ՕՐՎԱ ԽՈՐՀՈՒՐԴԸ: Օգոստոսի 6 Սերժ Սարգսյանը հեռախոսազրուց է ունեցել Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսի հետ Բեյրութում տեղի ունեցած պայթյունի հետևանքով զոհվածների թիվը հասել է 135-ի Ամուլսարի տարածքից 7 քաղաքացի բերման է ենթարկվել ոստիկանություն. Էդգար Ջանոյան Համայնքի 11 զոհերը Լիբանանի զանազան շրջանների բնակիչներ էին. Մանրամասներ Մարդու իրավունքների պաշտպանի հանձնարարությամբ՝ արագ արձագանքման խումբն արդեն Ոստիկանության Վայքի բաժնում է Ամուլսարում մեքենան անցել է ցուցարարի ոտքի վրայով, սկսվեց նստացույց Հրապարակվել են Ալեն Սիմոնյանի և Արթուր Դանիելյանի միջև ծեծկռտուքից կադրեր ու Ոստիկանություն Սիմոնյանի արած զանգի ձայնագրությունը Սիրիայում իսրայելական օդուժի հարվածի հետևանքով 15 զինվորական է զոհվել Խոշոր ավտովթար Արմավիրի մարզում. տուժել է 40 մարդ Որոշում է կայացվել արտակարգ դրության ռեժիմը ևս մեկ ամսով երկարացնել․ Տիգրան Ավինյան Ամուլսարում 2-րդ օրն անընդմեջ բողոքի ակցիա է՝ ընդդեմ հանքի շահագործման. ՈՒՂԻՂ Փոխոստիկանապետ Հայկ Մհրյանը նոր պաշտոն կստանա Մենք ունենալու ենք կորոնավիրուսից իջեցող մահացածություն. Արսեն Թորոսյանը նոր թվեր հրապարակեց. ՈՒՂԻՂ Արթուր Վանեցյանը հեռախոսազրույց է ունեցել Արամ Ա-ի հետ, ցավակցական նամակ հղել Լիբանանի դեսպանին Ջերմուկցիները մենակ են մնացել. Վահագն Վարագյան (տեսանյութ) Փաստաբան. Ալեն Սիմոնյանի հոգեկան խիստ հուզմունքի մասին խոսելը անթույլատրելի է Նորակոչիկների զինվորական երդման արարողությունները կիրականացվեն առանց տեսակցությունների ու հրավերների Հայաստանը պետք է ցույց տա, որ Լիբանանի ժողովրդի, նաև Լիբանանի հայ համայնքի կողքին է․ Սուրեն Սարգսյան Օրենքի հետ բացարձակ կապ չունեցող գործողություններ են տեղի ունենում, սա աբսուրդ է. ՏԵՍԱՆՅՈՒԹ Արսեն Թորոսյանը մնում է ամենաքննադատվող քաղաքական գործիչների շարքում. «Մեդիա պաշտպան» Օդի ջերմաստիճանը զգալի կբաձրանա Ինձ համար անսպասելի էր. փոխոստիկանապետ Տիգրան Եսայանը՝ պաշտոնից ազատվելու մասին Ոստիկանությունը գործողություններ է կատարում M GROUP ընկերությունում, փաստաբանի հավաստմամբ՝ դրանք ուղեկցվում են լիազորությունների չարաշահմամբ 3-5 մլրդ դոլար. Բեյրութի նահանգապետը գնահատել է նավահանգստում տեղի ունեցած պայթյունի հետևանքով առաջացած վնասի չափը (տեսանյութ) Քրեական ոստիկանության գլխավոր վարչության ծառայողները M Group ընկերությունում են. ՈՒՂԻՂ ՀՀ երկու փոխոստիկանապետերը հրաժարականի դիմո՞ւմ են ներկայացրել Ինչո՞ւ չեն արվում հակամարմինների թեստեր՝ պարզելու համար կորոնավիրուսի տարածվածության աստիճանը. Էլինար Վարդանյան Ռուսաստանը պայթյունի հետևանքով տուժածների համար Բեյրութում շարժական հոսպիտալ կտեղակայի Ինչ-որ մեկը վերջին պահին դիմում է ներկայացրել և դառնալու է տնօրեն. կա´մ մարզպետի բարեկամն է, կա´մ էլ կաշառք է տվել Բեյրութում պայթյունից մահացածների թվում 6 հայ կա․ ՀՀ ԱԳՆ
Խմբագրի ընտրություն
website by Sargssyan