Ավելի լավ է՝ Պելեն լռի. Ռոմարիո

Բրազիլիայի հավաքականի լեգենդար հարձակվող Ռոմարիոն խիստ քննադատության է արժանացրել «ֆուտբոլի արքա» Պելեին։

«Պելեն հերթական անգամ հիմարություն է ասել։ Նա այն մարդկանցից մեկն է, ովքեր աղտոտում են մեր ֆուտբոլը։ Ավելի լավ կլինի, որ նա լռի, դե իսկ եթե որոշի բացել բերանը, թող գոնե ինչ-որ խելացի բան ասի», – ասել է Ռոմարիոն Panico na Band հեռուստահաղորդման եթերում։

Բանն այն է, որ աշխարհի եռակի չեմպիոն Պելեն Բրազիլիայի հավաքականի գլխավոր մարզիչ Լուիս Ֆելիպե Սկոլարիին խորհուրդ էր տվել «Կորինտիանսը» դարձնել ազգային ընտրանում բազային ակումբ։