ԱԳ նախարարի պաշտոնակատարն ընդունեց Ճապոնիայի ԱԳՆ գիտության և տեխնոլոգիայի բնագավառներում համագործակցության գծով դեսպանին
Նմանատիպ
Ապրիլի 9-ին Հայաստանի արտգործնախարարի պաշտոնակատար Էդվարդ Նալբանդյանն ընդունեց Ճապոնիայի գիտության և տեխնոլոգիայի բնագավառներում համագործակցության գծով դեսպան Շին Մարուոյին:
Ողջունելով հյուրին՝ Էդվարդ Նալբանդյանը կարևորեց բարեկամական Ճապոնիայի հետ հարաբերությունների շարունակական զարգացումը:
Հայաստանի արտաքին քաղաքական գերատեսչության ղեկավարի պաշտոնակատարը նշեց, որ ՀՀ Նախագահ Սարգսյանի այցը Ճապոնիա զգալի խթան հանդիսացավ հայ-ճապոնական համագործակցության զարգացման և ամրապնդման համար, և Տոկիոյում ձեռքբերված պայմանավորվածությունները ակտիվորեն կյանքի են կոչվում: Նա նաև շնորհակալություն հայտնեց անկախությունից ի վեր Ճապոնիայի կողմից Հայաստանին տրամադրած տեխնիկական աջակցության համար:
Շնորհակալություն հայտնելով ընդունելության համար՝ դեսպան Մարուոն նշեց, որ հատկապես գիտության և տեխնոլոգիաների ոլորտում հայ-ճապոնական համագործակցությունը մեծ պոտենցիալ ունի, և կողմերը նշանակալի քայլեր են ձեռնարկել և ձեռնարկում այն օգտագործելու համար:
Զրուցակիցները քննարկեցին հայ-ճապոնական բազմոլորտ համագործակցությանը վերաբերող հարցերի լայն շրջանակ:
Հետևեք մեզ նաև Telegram-ում