Նալբանդյանն ընդունել է Ամերիկայի հայկական համագումարի համանախագահին
Նմանատիպ
Հայաստանի արտգործնախարար Էդվարդ Նալբանդյանը սեպտեմբերի 30-ին ընդունեց Ամերիկայի հայկական համագումարի հոգաբարձուների խորհրդի համանախագահ Վան Գրիգորյանին։
Ինչպես տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից, Էդվարդ Նալբանդյանը շնորհավորեց Վան Գրիգորյանին Հանրապետության Նախագահի կողմից բարձր պետական պարգևի՝ Պատվո շքանշանի արժանանալու կապակցությամբ՝ ընդգծելով, որ դա Ամերիկայի հայկական համագումարի ողջ կառույցի հայանպաստ գործունեության գնահատականն է։
Վան Գրիգորյանը, պարտավորեցնող համարելով Հայրենիքի կողմից պարգևի շնորհումը, նշեց, որ իր ղեկավարած կառույցը, հավատարիմ մնալով իր առաքելությանը, առավել մեծ եռանդով է աշխատելու, ու ներկայացրեց ԱՀՀ առաջիկա ծրագրերը։
Հանդիպմանն անդրադարձ արվեց Հայաստան-Սփյուռք վեցերորդ համահայկական համաժողովի արդյունքներին։
Էդվարդ Նալբանդյանն ու Վան Գրիգորյանը քննարկեցին համահայկական օրակարգի հարցեր:
Հետևեք մեզ նաև Telegram-ում