Տուն իմ հայրենի

Կարոտել եմ տուն իմ հայրենի,
Դու ամրոցն ես հզոր հայրերի,
Ու մատուռն ես դու մեր քնքույշ մայրերի, հայրենիք,
Աղոթում եմ Աստված պահպանի։

Օտարություն իմ կամքից անկախ,
Հայի ոգով ապրում եմ անվախ,
Ես կդառնամ ու իմ գիրկը քեզ կառնեմ, կփարվեմ,
Վախենում եմ կարոտս չառնեմ։

Քեզ խլել են, թալանել են, կալանել են,
Քո վանքերը ավիրել են տուն իմ հայրենի,
Խաչքարերդ արցունքներով կլվանամ,
Աղաչում եմ, կանչիր, թույլ տուր տուն դառնամ:

Դու դարձել ես օտարի գերի,
Որդիներդ գերի օտարին,
Քո տաք սրտում սառույցներ են գոյացել, քարացել,
Գարուններդ աշուն են դարձել։

Երգը` Արաբո Իսպիրյանի 
Բառերի հեղինակ` Արամ Ավագյան