Հայկ Գրիգորյանն իր մանդատը կզիջի Սուրեն Խաչատրյանի՞ն
Նմանատիպ
«168 ժամ» թերթը թիվ 37 ընտրատարածքի մեծամասնական ընտրակարգով ընտրված ՀՀԿ-ական պատգամավոր Հայկ Գրիգորյանի հետ։
Մասնավորապես, թղթակիցը հարցրել է.
– Ըստ Կապանում շրջանառվող լուրերի՝ Սյունիքում սպասվում է մարզպետի փոփոխություն, նաեւ նշում են, որ Դուք Ձեր մանդատը վայր եք դնելու, որպեսզի Ձեր փոխարեն ԱԺ մուտք գործի մարզպետը։ Դուք կզիջե՞ք Ձեր մանդատը մարզպետին։
– Դուք հիմա գիտե՞ք’ ի՞նչ եք ասում: Դա նույնն է, որ ասեք’ պարոն Գրիգորյան, Դուք ականատես եղե՞լ եք, ասենք, Սասունցի Դավթին, ապրե՞լ եք այդ ժամանակաշրջանում, նրա գործունեությունը տեսե՞լ եք: Այսինքն’ առասպելներն ինչպե՞ս կարող եմ մեկնաբանել կամ ինչ-որ բան ասել դրա մասին:
– Դուք տեղացիների շրջանում շրջանառվող լուրերը համարում եք առասպե՞լ:
– Իհարկե, դա ընդամենը միֆ է: Եթե լրագրողները ցանկանում են, որ իրենց նյութերը, հոդվածները լավ սենսացիոն զետեղումներ ստանան, տարածում են նման խոսակցություններ:
– Նկատենք, որ ոչ թե լրագրողներն են տարածում այդ խոսակցությունները, այլ սյունեցիներն են խոսում այդ մասին:
– Ես լրագրողներից եմ լսել դա: Ես մամուլից եմ ծանոթացել այդ ամենին, ինչ ասում եք:
– Եթե այդ հարցը դրվի…
– Ես դրան լուրջ չեմ վերաբերվում, հասկանո՞ւմ եք:
– Այսինքն’ Դուք չե՞ք պատրաստվում զիջել մանդատը:
– Մանդատն ինձ տվել է ժողովուրդը, թիվ 37 ընտրատարածքի բնակչությունը: Եթե 37 ընտրատարածքի բնակչությունը որոշի, որ ես վատ եմ աշխատում, որ ես հավուր պատշաճի չեմ ներկայացնում իրենց հոգսերն ու խնդիրները համապատասխան մարմիններին, ես, բնականաբար, առանց ինչ-որ մեկի ասելու, առանց ինչ-որ մեկի պահանջի՝ ստիպված պետք է լինեմ հրաժարական տալ, բայց այս պահին իմ ընտրատարածքի բնակիչների հետ հանդիպելուց՝ առայժմ նման ցանկություն չկա:
– Այսինքն’ մարզպետի ցանկությունը կամ պահանջը կարեւոր չի՞ լինի:
– Ինձ ո՞վ է լիազորել մանդատով’ բնակչությունը:
– Սակայն Ձեզ սատարել է ՀՀԿ-ական մարզպետը:
– Սատարողը մեղմ ասած է: Ինձ սատարել է ամբողջ բնակչությունը: Քանի որ ես ՀՀԿ անդամ եմ, ինձ սատարել է նաեւ մարզպետը: Ընդամենը դա է»,- մեջբերում է «168 ժամը»։
Հետևեք մեզ նաև Telegram-ում