AM | RU
USD
EUR
RUB

Քիչ կերեք, մինչև տեսնենք ինչ է լինում

 

Այնպիսի տպավորություն է, որ գնաճի հետ կապված ցանկացած հարց իշխող կուսակցության մոտ առաջացնում է անհավասարակշիռ վիճակ, ինչն էլ հանգեցնում է ոչ ադեկվատ պատասխանների: Դեռ չէինք հասցրել մարսել Հակոբ Հակոբյանի և Խոսրով Հարությունյանի թանկացումների հետ կապված դարակազմիկ մտքերը, երբ հերթական խորհուրդով բոլորիս անակնկալի բերեց ՀՀԿ ֆրակցիայի քարտուղար՝ Գագիկ Մելիքյանը:

Պարոն Մելիքյանը թանկացումների հետ կապված լրատվամիջոցներից մեկին տված հարցազրույցում մարդկանց խորհուրդ է տվել զսպել ցանկությունները և իրենց առջև չդնել նպատակներ, որոնք մեծ ծախսեր են պահանջում:

Բնականաբար եթե մարդիկ բողոքեն, որ թանկացել են Սեյշելյան կղզիներում հանգստանալու ուղեգրերը և իշխանություններից պահանջեն գնանկում, ապա Գագիկ Մելիքյանի խորհուրդը տվյալ պահին ընդունելի կլինի ու հասկանալի:

Եվ իրոք, զսպեք ձեր ցանկությունները, մի մեկնեք Սեյշելյան կղզիներ, մինչև տեսնենք ինչ ենք անում: Բայց երբ մարդիկ բողոքում են, որ թանկանում է սննդամթերքը, վառելիքը...ապա այս դեպքում այդ խորհուրդը նմանվում է պարզապես քիչ կերեք ու քայլեք ոտքով հորդորին:

Պարոն Մելիքյանի հաջորդ խորհուրդը սոցիալապես խոցելի խավերի հացի խնդրի հետ կապված այն էր, որ պետք է ավելի շատ աշխատեն ու միայն շատ աշխատելով է հնարավոր հասնել նպատակների իրականացմանը: Այս դեպքում նույնպես տեղին է մեջբերել Սեյշելյան կղզիները: Եթե որևէ մեկը 100 000 դրամով պահում է իր ընտանիքը, սակայն մեծ ցանկություն ունի հանգստանալու այդ կղզիներում, ապա Գագիկ Մելիքյանն իրավացի է:

Ամեն մարդ իր ոտքը պետք է մեկնի իր վերմակի չափով ու պետության վրա մուննաթ չգա: Շատ ես ուզում մեկնել, խնդրեմ, բարի ճանապարհ: Վարկ վերցրու, պարտք արա, գտիր այլ աշխատանք, աշխատիր 3 հերթափոխով, հաց մի կեր, մի խմի ու քեզ բարի հանգիստ:

Սակայն, երբ մարդը աշխատում է օրական 18 ժամ, ստանում 100 000 դրամ ու այդ մարդու միակ նպատակն է, որպեսզի իր երեխաները պարզապես հաց ունենան (իշխող կուսակցությունից արդեն իմացել ենք, որ կարագն ու միսը պարտադիր չեն) ու այդ մարդուն խորհուրդ տալ ավելի շատ աշխատել, դա արդեն նմանվում է Տերն ու Ծառային:

Դա նույնն է, որ մեկը ուզենա տուն գնա, որովհետև արդեն մթնել է, Գագիկ Մելիքյանն էլ ասի, Չէ՛, էդպես չի։ Ես քեզ ասել եմ՝ քանի լուս է, պետք է հնձես։ Արևը մեր մտավ, բայց տես, նրա ախպեր լուսնյակը դուրս եկավ։ Սա ինչ պակաս է լուս տալի...

Գագիկ Մելիքյանը միշտ զուսպ ու հավասարակշռված մարդու տպավորություն է թողել և գուցե նա այս խորհուրդները տվել է անկեղծ մտահոգությամբ, ինչպես ինքն է փորձում հավատացնել իր խոսքում: Սակայն քաղաքականությունը ոչ միայն գործի, այլև խոսելու արվեստ է: Իզուր չէ, որ ժամանակին հռետորությունը քաղաքական գործունեության կարևորագույն էլեմենտներից մեկն էր:

Իհարկե փոխվել են ժամանակները, փոխվել են նաև մոտեցումները, սակայն մի բան մնացել է անփոփոխ: Եթե խոսքը արծաթ է, ապա լռությունը՝ ոսկի, այնպես որ, եթե մարդը պետք է ինձ խորհուրդ տա, որպեսզի ես զսպեմ իմ ցանկությունները, այլ խոսքով քիչ ուտեմ, ապա այդ դեպքում լռությունն ավելի գերադասելի է:

Կարեն ԿԱՐԱՊԵՏՅԱՆ

Լրահոս
Եկել ենք աջակցելու թուրքին ծնկի բերած Սերժ Սարգսյանին. Շարմազանով Եկել եմ ընկերոջս աջակցելու. Արա Բաբլոյանը դատարանի դիմաց էր՝ ի աջակցություն Սերժ Սարգսյանի Իշխանությունը տորպեդահարում է մեր անվտանգության երաշխիքներից մեկը. Կարեն Բեքարյան (տեսանյութ) Լեռնային Ղարաբաղը երբեք չի լինելու Ադրբեջանի կազմում. Սերժ Սարգսյանը դիմեց դատարանի բակում իր աջակիցներին (Տեսանյութ) Մեզ գեներալներ այլևս պետք չե՞ն Փետրվարի 25-ի դրությամբ Հայաստանում նոր կորոնավիրուսի հաստատված դեպք չկա. Առողջապահության նախարարություն Էրդողանը նշել է Պուտինի հետ հանդիպման ժամկետը Մեկնարկում է ՀՀ երրորդ նախագահ Սերժ Սարգսյանի և մյուսների գործով առաջին դատական նիստը․ ուղիղ Փաշինյանի հերթական նվերը «կիրթ» Ալիևին` «Խոջալուի» նախօրյակին Ռիո դե Ժանեյրոյում մեկնարկել է ավանդական կառնավալը. ԼՈՒՍԱՆԿԱՐՆԵՐ Ինչու՞ է Transparency-ն Առաքելական Եկեղեցուն համարում կոռումպացված Ամերիաբանկն արժանացել է Միջազգային ֆինանսական կորպորացիայի 2 մրցանակի առևտրի ֆինանսավորման ոլորտում Ռ․ Քոչարյանի և մյուսների գործով դատական նիստը․ ուղիղ Ճապոնիայում մահացել է աշխարհի ամենատարեց տղամարդը Իրանում կորոնավիրուսի հետևանքով մահացածների թիվն աճել է Այս պահին կորոնավիրուսի որևիցե դեպք ՀՀ-ում գրանցված չէ. Նարեկ Զեյնալյան Կորոնավիրուս՝ գոնե դասասենյակները խոնավացրեք Մահացել է Խորհրդային Միության վերջին մարշալը՝ Դմիտրի Յազովը Բակո Սահակյանը մասնակցել է Հայ դատի հանձնախմբերի և գրասենյակների խորհրդաժողովի բացմանը Ձեր մոտ էլ է՞ տպավորություն, որ սրանք բոլորը մի ցեղ են… ու բոլոր բջիջներով ատում են ամեն Հայկականը… «ՀՀ դատական օրենսգիրք» օրենքում լրացումներ անելու թեմայով խորհրդարանական լսումները՝ ուղիղ Այսօր ուզում եմ հիշենք Խոջալուի հաղթանակը և բոլոր նրանց, ովքեր կերտեցին այդ հաղթանակը. Հրանտ Մելիք-Շահնազարյան Սպասվում է տեղումներ ՀՀԿ-ն հայտարարություն է տարածել «Ժողովուրդ»․ Ովքեր են օգնել Նիկոլ Փաշինյանին պատրաստվել Իլհամ Ալիևի հետ հանդիպմանը «Իրատես». Արսեն Թորոսյանը հրաժեշտ կտա պաշտոնին «Հրապարակ»․ Վիրուսի դասերը «Ժողովուրդ». Իրանցի զբոսաշրջիկների պակա՞ս կունենանք «Իրավունք»․ ՍԴ դատավոր Վահե Գրիգորյանն Ամանորն անցկացրել է Լոնդոնում՝ ծախսելով ավելի քան 7000 եվրո «Փաստ». Ինչպես է ՀՀ իշխանությունը ներկայանալու Լյուքսեմբուրգի ներդրումային համաժողովին «Իրատես». Պարգևավճար խորհրդարան չգնալու համար «168 ժամ». Իշխանությունը չունի համակարգված ու համալիր մոտեցում ազգային անվտանգությանը ներկայացվող սպառնալիքի վերաբերյալ «Իրատես». Մութ սենյակում կատու որոնող պատգամավորներն ու «թագակիր» վիրուսը «Փաստ». Իշխանությունը լրացուցիչ հուզականություն ու էյֆորիա ապահովելու համար հանրահավաք կանի «Հրապարակ». Պարտադրել են մարդ տանել, դրամահավաքին թիվ ապահովել՝ 1 մլն դրամ «Փաստ». Դավիթ Տոնոյանի հրաժարականն առավել առարկայական է դառնում ՕՐՎԱ ԽՈՐՀՈՒՐԴԸ: Փետրվարի 25 Ադրբեջանում Իրանից ժամանած 4 մարդու հոսպիտալացրել են կորոնավիրուսի կասկածով Այսօրվանից Իրանից Հայաստան կարող են տեղափոխվել միայն ՀՀ այն քաղաքացիները Մի խումբ անձինք զրկվել են վարորդական իրավունքի վկայականից (տեսանյութ)
Խմբագրի ընտրություն
website by Sargssyan