Էջմիածնում ԲՀԿ-ականների մասնակցությամբ կրակոցնե՞ր են հնչել
25/04/2013 10:38
Նմանատիպ
Ինչպես հայտնում է Slaq.am-ը` երեկ Էջմիածնում հնչել են կրակոցներ:
Տեղեկությունների համաձայն՝ կրակոցները կապ ունեն տեղի ԲՀԿ-ական ներկայացուցիչների հետ:
Թե որքանով է հավաստի այս տեղեկատվությունը slaq.am-ը փորձել է ճշտել ՀՀ ոստիկանության լրատվության բաժնից:
Բաժնի աշխատակից Արմեն Մալխասյանը հայտնել է. «Կրակոցների մասին տեղեկատվությունը չի համապատասխանում իրականությանը: Էջմիածնում կրակոցներ չեն հնչել: Երեկ միջադեպ է գրանցվել մոտակա Պտղունք գյուղում: Կռիվ է եղել, իրար են ծեծել, սակայն կրակոցներ չեն եղել»:
Նրա տեղեկացմամբ վեճը գրանցվել է նախկին դատապարտյալի և այլ անձանց միջև: Վեճի ժամանակ ջարդուփշուր են արել ավտոմեքենան:
Պտղունք գյուղի գյուղապետ Կարապետ Արթենյանն էլ իր հերթին նշեց, որ այդ մասով որևէ տեղեկատվության չի տիրապետում:
