AM | RU
USD
EUR
RUB

Եվրոպայի Հայ դատի գրասենյակը 2018-ին շարունակելու է կազմակերպել եվրոպացի գործիչների այցն Արցախ

 

Եվրոպայի Հայ դատի գրասենյակը 2018-ին շարունակելու է կազմակերպել եվրոպացի հասարակական, քաղաքական գործիչների այցն Արցախ: Այս մասին «Արմենպրես»-ի հետ զրույցում նշեց ՀՅԴ Եվրոպայի Հայ դատի հանձնախմբի հաղորդակցության և հանրության հետ կապերի պատասխանատու Հարութ Շիրինյանը: Նրա խոսքով, այսօր Արցախի աշխարհաքաղաքական իրավիճակն այնպիսին է, որ Սփյուռքում ապրող յուրաքանչյուր հայ դառնում է Արցախի մեկ դեսպանը:

«Այն, ինչ մենք գիտենք Արցախի պետականության, ժողովրդի եւ դժվարությունների մասին, պետք է փոխանցել օտարներին: Եվրոպայի Հայ դատի գրասենյակը, կապի մեջ լինելով եվրոպացի շատ պատգամավորների հետ, նրանց եւ այլ հասարակական խմբերի այցելությունները դեպի Արցախ համարում է իր առաքելության հիմնական նպատակներից: Այս օրերին արդեն իսկ Հայ դատի գրասենյակը կազմակերպել է Եվրախորհրդարանի պատգամավոր, արտաքին հարաբերությունների հանձնաժողովի անդամ Լարս Ադակտուսսոնի գլխավորած պատվիրակության այցը դեպի Հայաստան եւ Արցախ, որտեղ նա մի շարք քաղաքական հանդիպումներ ունեցավ»,-ասաց Շիրինյանը:

Նրա խոսքով, այս պատվիրակությունների այցը կարևորվում է նրանով, որ այդ գործիչները տեղում են ծանոթանում իրավիճակին, դրանից բացի, այն նպաստում է խորհրդարանական դիվանագիտության զարգացմանը, որն ինչ-որ տեղ նաև հակազդում է Ադրբեջանի խավիարային դիվանագիտությանը:

«Այսպիսի ձեռնարկների գործնական արդյունքները հնարավոր է միայն երկարաժամկետ կտրվածքով ստանալ, սակայն անմիջական արդյունքները ևս չեն ուշանում: Մեկ օրինակ կարող եմ ներկայացնել՝ Բելգիայի, Արցախի պատգամավորների բարեկամական խմբի ստեղծումը, որը տեղի ունեցավ 2017 թվականի հոկտեմբերին Հայ Դատի գրասենյակի կազմակերպած՝ Եվրոպահայոց 4-րդ համագումարի շրջանակում Արցախի նախագահի ներկայությամբ: Ի դեպ, նշված բարեկամական խմբի մաս կազմող պատգամավորները նախօրյակին ընդգրկված էին Հայ դատի գրասենյակի նախաձեռնությամբ դեպի Արցախ այցելություն իրականացրած պատվիրակություններում: Պետք է նշել, որ այսպիսի խմբեր նաեւ գոյություն ունեն Եվրախորհրդարանի հետ եւ Ֆրանսիայի ազգային ժողովի հետ»,-ասաց Հարութ Շիրինյանը:

Շարունակելով ներկայացնել ընթացիկ տարվա անելիքները՝ Հարութ Շիրինյանը նշեց, որ ինչպես նախորդ տարի, այս տարի ևս աշխատելու են մի քանի ուղղությամբ՝ Հայոց ցեղասպանության հարցի հետ կապված արդարության պայքար, Արցախի ժողովրդի իրավունքների պահպանում ու մեկուսացման նվազում:

«Իրականության մեջ, 2017-ին Թուրքիայի եւ Ադրբեջանի իշխանությունները, համայն աշխարհին ցույց տալով իրենց իսկական դեմքը, անգիտակցաբար նպաստեցին Հայ Դատի հանձնախմբերի աշխատանքներին: Թուրքիայում մարդու իրավունքների խախտումները եւ փոքրամասնությունների դեմ հալածանքները հստակ են բոլորին: Նաեւ հստակ են Ադրբեջանի խավիարային դիվանագիտության փաստերը եւ շփման գոտում հարձակողական ոճը: Այստեղ ուզում եմ ընդգծել, որ 2018-ին մեր առաջնահերթություններից մեկը պետք է լինի Եվրոպական քաղաքական դասակարգից պահանջելը, որ ճնշում գործադրեն Ադրբեջանի վրա սահմանին հրադադարի խախտումների հետաքննական մեխանիզմները տեղադրելու նպատակով»,-ասաց նա:

Ընթացիկ տարում Եվրոպայի Հայ դատի գրասենյակը միջոցառումներ է նախատեսում նաև Հայաստանի առաջին Հանրապետության հռչակման 100-ամյակի առթիվ: Այս տոնը մեծ շուքով նշելու համար ՀՅԴ Արեւմտյան Եվրոպայի կենտրոնական կոմիտեի նախաձեռնությամբ մի շարք միջոցառումներ են նախատեսվում Ֆրանսիայում, Բելգիայում եւ Նիդերլանդներում՝ ցուցահանդեսներ, դասախոսություններ, համերգներ և այլն:

Լրահոս
Իշխանությունը Միքայել Մինասյանի դեմ պայքարում է որպես քաղաքական հակառակորդի՝ քրեաիրավական գործիքներով. Միհրան Պողոսյան (տեսանյութ) Մենք այլ ելք չենք ունենա, քան վերադառնալ սահմանափակումների ռեժիմին. Փաշինյան Ադրբեջանի հատուկ ծառայությունները համացանցով փորձել են տեղեկություններ կորզել ՀՀ ԶՈւ վերաբերյալ Հայաստանի ասորական համայնքը դատական հայցով Հայ առաքելական եկեղեցուց պահանջում է վերադարձնել Դիմիտրով համայնքի եկեղեցին (տեսանյութ) «Դալմա Գարդեն մոլում» ռումբ չի հայտնաբերվել (տեսանյութ) Կարևոր նորություն աղբահանության վճարների մասին ՌԴ զորամասի պայմանագրային զինծառայողի մահվան դեպքի առթիվ հարուցվել է քրեական գործ «Նոր Զովք» առևտրի կենտրոնում ՍԱՏՄ տեսուչներն արձանագրել են մի քանի խախտումներ Դատարանը վարույթ է ընդունել Արթուր Վանեցյանի հայցն ընդդեմ պատգամավոր Արման Բաբաջանյանի լրատվամիջոցի Ոստիկանապետի հրամանով՝ Արմեն Մկրտչյանը նշանակվել է ոստիկանության շտաբի պետ Հայաստանում հաստատվել է կորոնավիրուսով վարակվելու 330 դեպք Մերժվեց Սուրբ Աթոռում ՀՀ նախկին դեսպան Միքայել Մինասյանին կալանավորելու վերաբերյալ միջնորդությունը. Մակինյան Երկրաշարժ՝ Մարմարաշեն գյուղից 6 կմ հարավ-արևելք ՕՐՎԱ ԽՈՐՀՈՒՐԴԸ: Հուլիսի 6 89+1 դատվողները Ճանապարհը արդյունավետության գնահատումն է. Միքայել Մալխասյան Պետական կաշառքից մինչև Սահմանադրական կարգի տապալում. ՍԴ շուրջ իրավիճակը 1 տարվա ընթացքում (տեսանյութ) Հայաստանում հաստատվել է կորոնավիրուսով վարակվելու 706 դեպք «ՀՀ Սահմանադրություն․ կարմիր և կանաչ գծեր». Խորհրդաժողով` նվիրված ՀՀ Սահմանադրության օրվան. ՈՒՂԻՂ Անձնական շահադիտությամբ Սահմանադրության խախտումը չի կարող անհետևանք լինել Այսօր Գոշավանքում տեղի կունենա «Իրավական ուղու» կազմակերպած խորհրդաժողովը՝ նվիրված ՀՀ Սահմանադրության օրվան Պետք է դադարենք ժամանակ ծախսել ներքաղաքական խնդիրների վրա և նախագծենք ՀՀ-ի զարգացման տեսլականը. Ոսկանյան Որքա՞ն աշխատավարձ են ստացել նախարարները 2019 թ-ին, ի՞նչ ունեցվածք ունեն․ 12 նախարարների հայտարարագրերը Սարսանգի ջրամբարում 11 և 14-ամյա երեխաներ են ջրահեղձ եղել Ադրբեջանը հայ դիրքապահների ուղղությամբ արձակել է շուրջ 2000 կրակոց Հուլիսի 6-ի հոսանքազրկումների մասին Նոր ՀԿ՝ գիտության ու կրթության զարգացման և իրավունքների պաշտպանության համար Միջազգային հեղինակավոր պարբերականներն ու ABC հեռուստաալիքն անդրադարձել են «ԱրմՆյուզ» և «5-րդ ալիք» հեռուստաընկերություններ ոստիկանների այցելությանը Էջմիածնի Մայր Տաճարի վերանորոգումը խոչընդոտելու հրահանգը տրված է անձամբ Փաշինյանի կողմից. Աշոտյան Հովիկ Աղազարյանի որդուն մեղադրանք է առաջադրվել. գործն ուղարկվել է դատարան «Այսօր մենք ամեն ոլորտում կորցնում ենք հայկականը» Օդի ջերմաստիճանը կբարձրանա Արայիկ Հարությունյանը ընդունել է Զոհրաբ Մնացականյանին Արցախում կորոնավիրուսով վարակվածների թիվը 129 է. ծանր վիճակում է գտնվում մեկ հոգի Հայաստանում հաստատվել է կորոնավիրուսով վարակվելու 580 դեպք «Հրապարակ». Իշխանությունը ձեռնամուխ է եղել մամուլի և խոսքի ազատության դեմ պայքարելու գործին «Հրապարակ». Իշխանությունների հույսերը չեն արդարացել «Հրապարակ». Արարատ Միրզոյանը Փաշինյանին համոզել է ևս մեկ անգամ «չտապալել» սահմանադրական կարգը ՕՐՎԱ ԽՈՐՀՈՒՐԴԸ: Հուլիսի 4 Դատավորին ՍԴ շենք մտնել չթույլատրելն ուղղակիորեն ՀՀ Քրեական օրենսգրքով հետապնդվող արարք է. Դավիթ Հարությունյան
Խմբագրի ընտրություն
website by Sargssyan