Դամասկոսում պայթյունի հետևանքով տուժած սիրիահայերի մասին դեռ տեղեկություն չկա. ՀՀ ԱԳՆ
Նմանատիպ
ՀՀ ԱԳՆ-ն դեռ տեղեկություն չունի Դամասկոսի Ալ-Մերժե շրջանում, որտեղ գտնվում է նաև Հայաստանի դեսպանատունը, ահաբեկչության հետևանքով սիրիահայեր տուժել են, թե՝ ոչ. տվյալները ճշտվում են: Այս մասին PanARMENIAN.Net ի թղթակցի հետ զրույցում ասաց ԱԳՆ մամուլի քարտուղար Տիգրան Բալայանը:
Նա տեղեկացրեց, որ ՀՀ դեսպանատան աշխատակիցները չեն տուժել, դեսպանատանը նյութական վնաս չի հասցվել:
Ահաբեկչության հետևանքով զոհվել է առնվազն 13 խաղաղ բնակիչ, տուժել’ 70 մարդ, որոնցից շատերը ծանր վիճակում են:Ըստ ականատեսների, պայթել է ականապատ մեքենան: Մերձակա տների պատուհանների ապակիները կոտրվել են, վնասվել են կայանված ավտոմեքենաները:
Պայթյունի պատասխանատվությունը դեռ ոչ ոք չի ստանձնել: Իշխանությունը մեղադրում է զինյալ ընդդիմադիրներին: Նրանք դեռ չեն մեկնաբանել ահաբեկչական գործողությունը:
Հետևեք մեզ նաև Telegram-ում