Յուվենթուսը հետաքրքրվում է Հենրիխ Մխիթարյանով.Միրչա Լուչեսկու

Դոնեցկի «Շախտյոր»-ի գլխավոր մարզիչ Միրչա Լուչեսկուն հաստատել է լուրերը, որ իր թիմի և Հայաստանի հավաքականի կիսապաշտպան Հենրիխ Մխիթարյանի ծառայություններով հետաքրքրված է Թուրինի «Յուվենթուս»-ը:

TuttoJuve.com-ին տված հարցազրույցում Լուչեսկուն նշել է, որ Մխիթարյանը դուր է եկել իտալական ակումբին, սակայն ինքը չի կարծում, որ «Յուվենթուս»-ը կկարողանա ձեռք բերել նրան՝ վճարելով սահմանված գումարը: «Մեր ակումբի նախագահը չի շտապում, կա սահմանված գումար (30 միլիոն դոլար), որի դիմաց Մխիթարյանը կհեռանա: Կարծում եմ, որ «Յուվենթուս»-ն այդքան գումար մտադիր չէ ծախսել»,- ասել է ռումինացի մասնագետը:

Վերջինս ընդգծել է, որ Մխիթարյանը բարձրակարգ հարձակվող է, մեծ ծավալի աշխատանք է կատարում դաշտում, բացառիկ ֆուտբոլիստ է իր ակումբի համար, ուստի նա չի վաճառվում: