Հայ ազգային երաժշտության լավագույն նմուշները մեկ կայքում
Նմանատիպ
Հայ ազգային երաժշտության լավագույն նմուշները այսուհետ հասանելի կինեն namusic.net կայքում:
Կայքի շնորհանդեսը տեղի ունեցավ մայիսի 7-ին Մարտիրոս Սարյանի տուն-թանգարանում: Կայքի համահիմնադիր, գլխավոր ադմինիստրատոր Սերգեյ Ումրոյանը նշեց, որ հայ ազգային երաժշտական կայքն իր մեջ պարունակելու է բացառիկ ձայնագրություններ, հոդվածներ, հարցազրույցներ, տեսանյութեր: Ումրոյանը Երեւանի պետական կոնսերվատորիայի մագիստրատուրայի առաջին կուրսի ուսանող է:
«Կայքը ստեղծվել է հայկական երաժշտական մշակույթը պրոպագանդելու նպատակով: Կայքում տեղ կգտնեն նաեւ ժամանակակից կոմպոզիտորական արվեստի նմուշներ»,- ասաց Ումրոյանը:
Նա տեղեկացրեց, որ շուրջ երկու տարի տարբեր սոցիալական ցանցերում ունեին նման էջեր, ինչն էլ հիմք հանդիսացավնման նախագծի:
Կայքի շնորհանդեսից հետո ներկայացվեց համերգային փոքրիկ ծրագիր, հնչեց Կոմիտասի «Անտունի»-ին և մի շարք այլ ստեղծագործություններ:
Կայքը շուտով կունենա նաև անգլերեն եւ ռուսերեն տարբերակները:
Հետևեք մեզ նաև Telegram-ում