Մակունց. Խստորեն հետևելու ենք պատմամշակութային արժեք ներկայացնող շենքերի արտաքին տեսքի հետ կապված գործողություններին
Նմանատիպ
«Թեպետ «Փակ շուկայի» շենքը պատմամշակութային արժեք ուներ, բայց այդուհանդերձ ավերվեց և թողնվեց, ժողովրդական լեզվով ասած՝ «ֆուտլյարը» և այդ օրվա թե մշակույթի նախարարությունը, թե իշխանությունը որևէ բան չկարողացան անել»,- ԱԺ-ում 2017 թվականի բյուջեի կատարողականի քննարկմանը նշեց «Ելք» խմբակցության պատգամավոր Ալեն Սիմոնյանը:
Պատգամավորը մշակույթի նախարար Լիլիթ Մակունցին հարց ուղղեց, թե արդյոք նախատեսվու՞մ է այն ինչ մնացել է շենքից, պահպանել. «Վերականգնելու մասին չեմ խոսում, անհնար է, քանի որ կամարաձև մասն ուղղակի անգարի պես մի տարածք է դարձել»։
Նախարարը պատասխանեց, որ այսուհետ նախարարությունը խստորեն հետևելու է ցանկացած պատմամշակութային արժեք ներկայացնող շինության արտաքին տեսքի և այդ շենքի հետ կապված ցանկացած շինարարական գործողությանը:
«Ինչ տեղի է ունեցել, արդեն գիտենք, նաև «Փակ շուկային» առնչվող հարցերը, բայց այսուհետ կխնդրեինք ահազանգել, եթե տեղեկություն լինի»,-ասաց Մակունցը։
Պատգամավորը հետաքրքրվեց նաև Օպերայի շենքից, նշելով, որ դրա տանիքին ալեհավաքներ են դրված։
Ի պատասախան Մակունցն ասաց, որ ալեհավաքների և մյուս ավելորդությունների մասին կփորձի ավելի լավ տեղեկանալ և լուծում գտնել:
Աղբյուր՝ Panorama.am:
Հետևեք մեզ նաև Telegram-ում