Սոցիալական ապահովության ծառայության Արմավիրի տարածքային բաժնում 450.016.000 դրամի չարաշահում է եղել
Նմանատիպ
ՀՀ աշխատանքի և սոցիալական հարցերի նախարարության սոցիալական ապահովության պետական ծառայության Արմավիրի տարածքային բաժնի պետ Ս. Կարապետյանը և նրա տեղակալ Հ. Ասատրյանը, հանդիսանալով պաշտոնատար անձինք, անձնական շահագրգռվածությունից ելնելով, 2008-2010 թթ. ընթացքում չարաշահել են իրենց պաշտոնեական լիազորությունները, ինչի հետևանքով պետության օրինական շահերին պատճառվել է 450.016.000 դրամի էական գույքային վնաս, ինչն անզգուշորեն առաջացրել է ծանր հետևանքներ: Այս մասին տեղեկացնում են ՀՀ Ոստիկանության լրատվական ծառայությունից:
Այս մասին պարզվել է Աշխատանքի և սոցիալական հարցերի նախարարության սոցիալական ապահովության պետական ծառայության պաշտոնատար անձանց կողմից չարաշահումներ թույլ տալու փաստով ոստիկանության քննչական գլխավոր վարչության ՀԿԳ քննության վարչությունում քննվող քրեական գործի նախաքննության ընթացքում’ ոստիկանության ԿՀԴՊ գլխավոր վարչության ծառայողների հետ համատեղ ձեռնարկված օպերատիվ-հետախուզական միջոցառումների շնորհիվ:
Կատարվում է նախաքննություն:
Հետևեք մեզ նաև Telegram-ում