76 տարեկանում կյանքից հեռացել է «սոուլի թագուհի» Արետա Ֆրանկլինը

ԱՄՆ-ի Դետրոյթ քաղաքում կյանքից հեռացել է 20-րդ դարի ամենահայտնի երգչուհիներից մեկը՝ «սոուլի թագուհի» կնքված Արետա Ֆրանկլինը:

Ինչպես հայտնում է Russia Today-ը, Ֆրանկլինը վերջին մի քանի տարվա ընթացքում պայքարել է առողջական լուրջ խնդիրների դեմ: Նախորդ տարի նա չեղարկել էր մի շարք համերգներ, քանի որ բժիշկները երգչուհուն արգելել էին բեմ բարձրանալ:

Աստղի վերջին համերգը տեղի է ունեցել 2017թ. օգոստոսին:

Հայտնի է, որ Ֆրանկլինն ամբողջ կյանքի ընթացքում պայքարել է ավելորդ քաշի դեմ, ալկոհոլի չարաշահման, ինչպես նաև ծխելու հետ խնդիրներ է ունեցել: 2011թ. լուրեր են տարածվել, որ նա քաղցկեղով է հիվանդ, սակայն երգչուհին հերքել էր դա:

Հավելենք, որ Արետա Ֆրանկլինը եղել է Ռոքնռոլի փառքի սրահում ներկայացված առաջին կինը: Նա արժանացել է 20 «Գրեմմի»՝ այդ թվում նաև 3 հատուկ մրցանակի:

 Աղբյուր՝ Tert.am: