Կյանքից հեռացել է “The Doors” լեգենդար ռոք խմբի անդամ Ռեյ Մանզարեկը

Կյանքից հեռացել է “The Doors” լեգենդար ռոք-խմբի անդամ Ռեյ Մանզարեկը: Նա 74 տարեկան էր: Այս մասին տեղեկանում ենք “The Doors” խմբի ֆեյսբուքյան էջից: Մահվան պահին նրա կողքին էին կինը եւ երկու եղբայրները:

Մանզարեկը մեծ հռչակ է ձեռք բերել 1965-ից, երբ նա սկսել է աշխատել Ջիմ Մորրիսոնի հետ “The Doors” խմբում:

“The Doors”-ը դարձավ 1960-ականների ամենահայտնի ռոք-խմբերից մեկը’ վաճառելով ավելի քան 100.000.000 ալբոմ ամբողջ աշխարհում:

“L.A.Woman,” “Break On Through to the Other Side,” “The End,” “Hello, I Love You,” and “Light My Fire” երգերը դարձան խմբի խորհրդանշական երգերը: Մորրիսոնի մահից հետո, 1971-ին, Մանզարեկը դարձավ ամենալավ վաճառվող հեղինակը:

«Մանզարեկը կապրի իր կնոջ, եղբայրների, որդու ու թոռների մեջ: Թաղման պատրաստություններն արվում են: Այս ծանր պահին ընտանիքը խնդրում է հարգել իրենց անձնական կյանքի գաղտնիությունը», ասվում է խմբի ֆեյսբուքյան էջի գրառման մեջ: