Գործազրկության նպաստը կրճատում են

Աշխատանքի և սոցիալական հարցերի նախարարության նախաձեռնությամբ, գործազրկության նպաստի վճարման տևողությունը կկրճատվի’ կդառնա 3 տարի: Փոփոխության արդյունքում գործազուրկ խավը կզրկվի 3 մլրդ դրամ օգնությունից. գրել է «Հայկական ժամանակ»-ը:

ՀՀ Կառավարության առաջ սուբսիդիաների և աշխատավարձերի բարձրացման հարկադիր պրոցեսներ են ծառացել և չի բացառվում, որ այսպիսով փորձ է արվում պարզապես գործազուրկների նպաստի հաշվին գումար տնտեսել’այլ տեղ ուղղելու համար: «Զբաղվածության պետական ծառայության» գործակալության պետի ժամանակավոր պաշտոնակատար Արտակ Մարգարյանը հաստատել է այս տեղեկությունը: Հետաքրքիր է, որ նախագիծը, թերթի տեղեկություններով, ավելի քան 4 ամիս շրջանառության մեջ է, սակայն հանրությանը այդ մասին’ոչ մի բառ: Սա կառավարության սոցիալական սյուրպրիզների շարքից է:

Ըստ թերթի տեղեկությունների’ նախագիծն արդեն ուղարկվել է Արդարադատության նախարարություն’ուսումնասիրման: Թերթի հարցին, թե որն է երաշխիքը, որ փոփոխություն արդարացված է, Ա. Մարգարյանը պատասխանել է. «Փոփոխությունը կնպաստի ակտիվ ծրագրերի իրականացմանը: Հիմա մենք ունենք 11 ծրագիր, դրանց թիվը կավելանա»: