Ռոնալդուն 2018-ը ամենալավն է համարել իր կարիերայում

ԵՐԵՎԱՆ, 03 ՀՈՒՆՎԱՐԻ, Panorama.am:  «Յուվենթուսի» հարձակվող Քրիշտիանու Ռոնալդուն 2018 թվականը լավագույնն է համարում իր կարիերայում։ Գազետա.ռու-ի հաղորդմամբ, պորտուգալացին նաև պատմել է, թե ինչպես է ընթանում կյանքը Իտալիա տեղափոխվելուց հետո։

«2018-ը լավագույնն էր իմ կարիերայում։ A սերիայում ինձ հսկում են նույն կերպ, ինչպես Իսպանիայում, սակայն այստեղ տարածությունն ավելի քիչ է, քանի որ բոլոր թիմերում գերազանց պաշտպանություն կա։ Հաղթանակը Չեմպիոնների լիգայում՝ երազանք է, սակայն նպատակը չպետք է սևեռուն միտք դառնա «Յուվենթուսի» համար։ Թիմային տիտղոսները կարևոր ենն, և ես աշխատում եմ, որպեսզի նվաճեմ դրանք։

Ինչ վերաբերում է Թուրինին, ապա այստեղ ինձ ֆանտաստիկ կերպով են դիմավորել։ Մենք բոլորս շատ լավ ենք մեզ զգում։ Չգիտեմ, երբ կավարտեմ կարիերաս, սակայն ինձ մոտ ամեն ինչ կարգին է, ուզում եմ խաղալ երկար տարիներ»,- ասել է Ռոնալդուն։