AM | RU
USD
EUR
RUB

Կառավարությունը մեր պատուհանից․ Ռաֆիկն ու գերանդին

 

Рафик не в чем не виноват

Շաբաթը թերևս կարելի է ամփոփել Ուրցաձորում կայացած ընտրություններով, որի արդյունքները բավականին «զավեշտալի» ստացվեցին Արարատի մարզպետ Գարիկ Սարգսյանի համար: Ուրցաձորում հաղթեց գործող գյուղապետ Ռաֆիկ Անդրեասյանը, որը հրաժարական տվեց մարզպետի դրդմամբ և մի խումբ բնակիչների պահանջով: Մարդը հրաժարական տվեց, կրկին առաջադրվեց ու հաղթեց: Այնինչ մինչ այդ ներկայացվում էր, իբր տվյալ համայնքապետը նախկինում հաղթել է միայն տվյալ պահի իշխանությունների աջակցությամբ, համայնքում չի վայելում բնակիչների վստահությունը և իր գործունեության շուրջ կուտակված են բազմաթիվ դժգոհություններ: Սակայն կյանքը ցույց տվեց, որ Рафик не в чем не виноват:

Image result for ուրցաձորի համայնքապետ

Կյանքը ցույց տվեց նաև, որ Արարատի մարզպետը այնքան էլ չի տիրապետում քաղաքական այբուբենին: Լինելով երիտասարդ, առանց քաղաքական գործունեության ու վարչական ղեկավարման փորձի, Գարիկ Սարգսյանը կարծում էր, որ միայն իր «հեղափոխական» խոսքը ու իր համար ցանկալի թեկնածուի անվան դիմաց «ՔՊ» գրվելը բավական են հաղթական արդյունքի հասնելու համար:

Եթե Գարիկ Սարգսյանը քաղաքական գործունեության փորձ ունենար, տեղյակ կլիներ, որ համայնքներում չեն առաջնորդվում կուսակցական պատկանելությամբ, այլ գնահատում են մարդու կատարած աշխատանքը և տվյալ համայնքում անձնական հեղինակությունը:

Եթե մարզպետը վարչական աշխատանքի փորձ ունենար, ապա կգիտակցեր, որ շատ ավելի հեշտ է համայնքի գործող ղեկավարների հետ «լեզու գտնելը», քան առճակատման գնալը: Որովհետև մարդիկ կոկորդիլոսներ չեն, որպեսզի «մաքսազերծես» ինչ անվան տակ ցանկանաս: Որովհետև երկխոսությունն ու արդյունավետ լուծում գտնելը, ոչ միայն կբխեր համայնքի բնակիչների, այլև հենց մարզպետի շահերից: Համայնքը կխուսափեր երկու ճամբարի բաժանվելուց, իսկ Գարիկ Սարգսյանի քաղաքական կշիռն ու հեղինակությունը կբարձրանար:

ԵՊՀ-ն առանց Արամ Սիմոնյանի

Հաջորդ պաշտոնյան, որը ամեն գնով ձգտում է առճակատման ՀՀ ԿԳ նախարար Արայիկ Հարությունյանն է: Խոսքը նախարարի առճակատումն է ԵՊՀ ռեկտոր Արամ Սիմոնյանի հետ: Սակայն տվյալ դեպքում բացի նրանից, որ նախարարը գերազանցում է իր լիազորությունները, խախտում անմեղության կանխավարկածը, անցնում է նաև մարդկային վարվելաձևի բոլոր տարրական կանոնները:

Related image

Մի կողմ թողնենք կողմերի իրավացության հարցը ու ԵՊՀ-ն առանց Արամ Սիմոնյանի տեսնելու նախարարի անթաքույց «մոլուցքը»: Տգեղ է, երբ նախարարը նսեմացնում է գիտնականին, ում ձեռքի տակ ժամանակին ուսանել է: Տգեղ է, երբ նախարարը տարիքով մարդուն վիրավորում է, անվանելով ստախոս ու անարժանապատիվ: Վերջապես տգեղ է, երբ Արայիկ Հարությունյանը հիշատակում է ինչ որ նկարներ, որով փորձում է ապացուցել իր «ընդդիմադրի» անարժանապատվությունը:

Սակայն նման հիշատակումներ կարող է անել միայն այն մարդը, ով հենց ինքն ունի արժանապատվության պակաս: Մեծահոգությունն ու ներողամտությունը հատուկ են միայն վեհ մարդկանց: Լավ կլիներ, որպեսզի կառավարության անդամները, բացի ակադեմիական գիտելիքների տիրապետելուց, ունենային նաև հոգու և սրտի վեհություն:

Բայց այս դեպքում նույնպես գործ ունենք նույն անփորձության դրսևորումների հետ, ինչ վերը հիշատակված մարզպետի պարագայում: Իդեպ անփորձությունը, ինչպես նաև պաշտոնը միայն քայլելու արդյունքում ստանալը, բացի այլևայլ խնդիրներ առաջացնելուց, ծնում է նաև անհարկի մեծամտություն:

Ասֆալտը, պատն ու գերանդին

Շաբաթվա «տրիումֆատորը» ՀՀ վարչապետ Նիկոլ Փաշինյանն է: Ասֆալտին փռելն ու պատերին տալը ոչ միայն դարձել են սովորական արտահայտություններ, այլև կարծես ձգտում են «օրինականացվել»:

«Նախահեղափոխական արժեքներն ու հարաբերությունները շանս չունեն վերակենդանանալու, ես դա համարում եմ իմ պարտավորությունը, և վերակենդանացման ցանկացած փորձ կկասեցնեմ, լինի ասֆալտին փռելով, լինի պատերին տալով կամ որևէ այլ օրինական միջոցներով»,- կառավարության վերջին նիստին ասաց Նիկոլ Փաշինյանը:

Image result for Փաշինյանը նիստին

Համաձայնվեք, որ շատ յուրօրինակ ձևակերպում է. լինի ասֆալտին փռելով, պատերին տալով կամ որևէ այլ օրինական միջոցներով: ՀՀ վարչապետին ամենայն հավանականությամբ թվում է, որ ասֆալտին փռելն ու պատերին տալը օրինական միջոցներ են:

Հետաքիքրի է, երկրի ղեկավարի կողմից նման արտահայտությունների դեպքում ինչու են լռում «իրավապաշտպան» կազմակերպությունները: Չէ որ այլ բան է, երբ հռետորը դա ասում է հանրահավաքի ժամանակ, որը կարող է արդարացված լինել մասսաների վրա ազդելու տեսանկյունից, և միանգամայն այլ, երբ դա ասում է երկրի վարչապետն ու սպառնում իրականություն դարձնել:

Դեռևս ոչ վաղ անցյալում այդ նույն «իրավապաշտպան» կազմակերպությունները մանրադիտակով հետևում էին նախկին ղեկավարների ամեն մի խոսքին և ցանկացած անզգույշ արտահայտություն ունակ էին մինչև եվրոդատարան հասցնելու:

Եվ քանի որ ինչպես ասում են ախորժակն ուտելիս է բացվում, հետևաբար կառավարության նիստի ժամանակ ասֆալտին ու պատերին ավելացավ նաև գերանդին:

«Կարող ենք գերանդին առնել և ամբողջ պետական համակարգը մաքրել, հնձել բոլորին, բայց կառաջանան հետևանքներ, որոնք տասնյակ տարիներով հնարավոր չի լինի հաղթահարել, պետական կառավարման համակարգը զգայուն է»,-նիստի ժամանակ ասաց ՀՀ վարչապետը:

Վեր կաց և քայլիր

Բացի այդ ամենից, Նիկոլ Փաշինյանը տիրապետում է նաև խոսքի շատ հետաքրքիր ձևափոխումների, ինչի արդյունքում իր անձը նույնականացնում է Փրկչի հետ:

Հովհաննես Թումանյանի 150 ամյակին Դսեղում ունեցած ելույթը, նույնականացման նման դրսևորում էր:

Ահա ինչ է ասում վարչապետը. Եվ այն ժամանակ, երբ թվում էր, թե պիտի ծնկեր, ինչպես Հիսուս Քրիստոսը անդամալույծին ասել է՝ վեր կաց և քայլիր, Թումանյանն ինքն իրեն ասել է՝ վեր կաց և քայլիր:

Image result for Հովհաննես Թումանյանի 150 ամյակին Դսեղում Փաշինյանը

Թեպետ հայտնի չէ, Թումանյանն իրոք ինքն իրեն նման բան ասել է, թե ոչ, այնուամենայնիվ Նիկոլ Փաշինյանը իր երևակայությունը համարելով հաստատված փաստ, շարունակում է. Եվ ես այսօր ինձ իրավունք եմ վերապահում, որպես ՀՀ վարչապետ, Թումանյանի անունից ասել հայ ժողովրդին՝ վեր կաց և քայլիր, դու անդամալույծ չես, պարտվող չես, մուրացիկ չես, վեր կաց և քայլիր:

Հետևաբար քանի որ Թումանյանի ինքն իր հետ մենախոսությունն ընդամենը Նիկոլ Փաշինյանի երևակայության ու խոսքի հարստության հետևանքն էր, արդյունքում Նիկոլ Փաշինյանը հանրությանը դիմեց Փրկչի խոսքերով, որն ուղղված էր անդամալույծին:

Արմեն ՍՏԵՓԱՆՅԱՆ

Լրահոս
Բիլլ Գեյթսն ասել է, թե երբ կավարտվի կորոնավիրուսի համավարակը Քաղաքագետը՝ Ալիևի հայտարարություններին հայկական կողմի պատասխանի մասին Երևանի ու վեց մարզերի տարբեր հասցեներում հոսանքազրկումներ են սպասվում Ինչ եղանակ է սպասվում առաջիկա օրերին Ինչու՞ պարգևատրված ԲԿ-ների շարքերում չկան Նորքի ինֆեկցիոնի ներկայացուցիչները ՌԴ փոխարտգործնախարարը հայտարարել է, որ պատժամիջոցները չեն ազդի Ռուսաստան-Իրան համագործակցության վրա Անկախության տոնի առթիվ ՀՀ երրորդ նախագահ Սերժ Սարգսյանն այցելել է Եռաբլուր (տեսանյութ) Ես որևէ հանցագործություն չեմ կատարել, ես իմ պարտքն եմ կատարել իմ երկրի հանդեպ. Բալասանյան Դոլանդ Թրամփը շնորհավորել է Նիկոլ Փաշինյանին Ահազանգեր կան աշակերտների շրջանում ուշագնացության դեպքերի մասին. Հոգեբանն ահազանգում է Նիկոլ Փաշինյանը խոնարհվել է մարված անմար կրակի առջև ՀՀ բնակչությունը հասցնել առնվազն 5 մլն-ի, ստեղծել 1,5 մլն աշխատատեղ. Նիկոլ Փաշինյան Գեղամ Ստեփանյանը նշանակվել է Արցախի ՄԻՊ աշխատակազմի գործադիր քարտուղարի պաշտոնակատար Այս պահին բանակցություններ չկան, գործընթացը փակուղում է․ Վիտալի Բալասանյան (տեսանյութ) Դադարեցրեք բունտը․ Իրանը պատասխանել է պատժամիջոցները վերականգնելու ԱՄՆ-ի հայտարարությանը Նիկոլ Փաշինյանն իր ահաբեկված թիմին է «դուխ տալիս», ուրիշ ոչինչ. Միհրան Հակոբյան Այս իշխանությունները չկարողացան անել այն, ինչ խոստացան ժողովրդին. Վիտալի Բալասանյան 50 անձ աղեստամոքսային խանգարում է ստացել «Սուրբ Գրիգոր Լուսավորիչ» ԲԿ-ում, նրանց թվում՝ երկու հղի Հայաստանում 4 նոր գեներալ-մայոր կա Պատմական ու նվիրական է այս օրը. Վիտալի Բալասանյանի շնորհավորական ուղերձը Սեպտեմբերի 22-ին որոշ մարզերում գազ չի լինի ՀՀ ԶՈւ գլխավոր շտաբի պետ, գեներալ-լեյտենանտ Օնիկ Գասպարյանի շնորհավորական խոսքն Անկախության տոնի առթիվ ՀՅԴ ԳՄ. Զարգանալու և չզիջելու, մրցունակ երկիր կառուցելու մեր հավաքական երազանքից չենք հրաժարվել Ռիո դե Ժանեյրոյի Հիսուս Ամենափրկիչ արձանը ՀՀ անկախության տոնի առթիվ լուսավորվել է Հայաստանի դրոշի գույներով (տեսանյութ) Հայ դիպուկահարը սահմանել է նոր ռեկորդ. ՏԵՍԱՆՅՈՒԹ ՌԴ նախագահը շնորհավորել է ՀՀ վարչապետին Անկախության տոնի առթիվ Օդուժի տոնական թռիչքը՝ Երևանի երկնքում. ՏԵՍԱՆՅՈՒԹ Ռուսաստանն այսօրվանից ևս 3 երկրի հետ վերսկսում է ավիահաղորդակցությունը Մեր հայրենիքը չի կարող գնալ կործանման ճանապարհով, թույլ չե՛նք տա, նույնիսկ եթե անհավասար մարտի բռնվենք. Արթուր Վանեցյան Հայաստանում կորոնավիրուսով վարակվելու Հաստատված դեպքերն այսօրվա դրությամբ Ավտովթար՝ Երևան-Գյումրի ճանապարհին. կա 5 վիրավոր և 2 զոհ Սեյրան Օհանյան. Այլևս ակնհայտ է` Հայաստանի և Արցախի դեմ բոլոր սցենարները գրվում և մշակվում են Թուրքիայի ռազմաքաղաքական էլիտայի կողմից Ավելի քան հնարավոր է թուրքական օդային տարածության փակումը ՀՀ համար․ «Վերնատուն» ՀՀ քաղաքական վերնախավը Եռաբլուրում հարգանքի տուրք է մատուցում հայրենիքի անկախության համար զոհվածների հիշատակին. ՏԵՍԱՆՅՈՒԹ Ռուսաստանում մեկնարկել են «Կովկաս-2020» զորավարժությունները Ինքն իրեն պետք է մեղադրի. Դավիթ Տոնոյանը՝ Ադրբեջանի նախագահի այն հայտարարության մասին, թե ՀՀ-ն տապալել է բանակցությունները Ալիևը պատերազմի կոչնակ հնչեցրեց, ասաց՝ ես պայմանը պահել եմ, Փաշինյանն է խախտել. Արփինե Հովհաննիսյան ՀՀ երրորդ նախագահ Սերժ Սարգսյանի շնորհավորական ուղերձը Անկախության տոնի առթիվ Ադրբեջանից ու Թուրքիայից հնչող հայտարարությունները փաստում են մեծացող անվտանգային սպառնալիքները. Աբրահամյան Հայաստանը տոնում է Երրորդ Հանրապետության անկախության 29-րդ տարեդարձը
Խմբագրի ընտրություն
website by Sargssyan