Ովքե՞ր են մասնակցել Գագիկ Ծառուկյանի թոռների կնունքին
Նմանատիպ
«Հրապարակը» գրում է, թե շաբաթ օրը’ Երեխաների պաշտպանության միջազգային օրը, տեղի է ունեցել Գագիկ Ծառուկյանի ու Մուրադ Գուլոյանի երեք թոռների մկրտությունը եւ «Փարավոն»’ արդեն մեկ անգամ բացված կազինոյի հանդիսավոր բացումը, որտեղ պետք է տեղի ունենար կնունքի խնջույքը:
Կնունքը կատարվել է Սբ. Հովհաննես Մկրտիչ նորաբաց եկեղեցում’ գեներալ Սեյրանի քավորությամբ: Գեներալ Մանվելը ներկա չի եղել, ներկա են եղել Հովիկ Աբրահամյանը, Գալուստ Սահակյանը, Ռոբերտ Քոչարյանը’ տիկնոջ հետ, Հրանտ Վարդանյանը, բոլոր ԲՀԿ-ական պատգամավորները, այդ թվում եւ Վարդան Օսկանյանն ու Գրիշա Մարգարյանը: Մկրտության կարգը կատարել է Կոտայքի թեմի առաջնորդը:
«Ժապավեն կտրեցի՞ք կազինոյի բացման ժամանակ, ո՞վ կտրեց»,- հարցրինք մեր զրուցակցին, ով մասնակցել էր այդ արարողությանը: Չէ՞ որ մասնակիցների թվում էր նաեւ նախկին նախագահ Ռոբերտ Քոչարյանը, ով ժապավեններ կտրել սիրում էր: «Ոչ, ժապավեն-բան չկար»: Միջոցառման թամադան եղել է Ժպիտ Գարիկը: Դրսից շատ հյուրեր են եղել, սակայն «ակտրիսաներ», ինչպես կասեր Տիգրան Արզաքանցյանը, չեն եղել: «Համեստի մեջ էր»,- շարունակեց ԲՀԿ մեր աղբյուրը: Ի դեպ, չնայած Սերժ Սարգսյանը չէր արձագանքել հրավերին, բայց մկրտված երեխաների կենացից անմիջապես հետո խմել են նրա կենացը:
Հետևեք մեզ նաև Telegram-ում