AM | RU
USD
EUR
RUB

Տիգրան Աբրահամյան. Արցախի հետ շանտաժի լեզվով խոսել չի ստացվի

 

ՍՏԵՓԱՆԱԿԵՐՏ, 4 ՄԱՅԻՍԻ, Artsakhpress.am: Վերջին շրջանում արցախա-ադրբեջանական հակամարտ զորքերի շփման գծի տարբեր հատվածներում նկատվում է հակառակորդի գործողությունների աճ, որոնք դրսևորվում են ինչպես ինժեներա-ամրաշինական մեծածավալ աշխատանքների, այնպես էլ հրադադարի պահպանման ռեժիմի խախտումների տեսքով: Այս մասին ԱՀ ՊՆ մամուլի ծառայությունը հաղորդագրություն էր տարածել երեկ:

Առաջնագծում տիրող իրավիճակի և առկա լարվածության մասին «Արցախպրես»-ի թղթակիցը զրուցել է ԱՀ Նախագահի անվտանգության հարցերով խորհրդական Տիգրան Աբրահամյանի հետ:

Հարց- Պարո՛ն Աբրահամյան, ԱՀ ՊՆ մամուլի ծառայության տարածած տեղեկատվության համաձայն՝ վերջին շրջանում շփման գծի տարբեր հատվածներում նկատվում է հակառակորդի գործողությունների աճ: Նկատելի է նաև, որ վերջին շաբաթվա ընթացքում ավելացել են հրադադարի պահպանման ռեժիմի խախտումները: Ներկայումս ի՞նչպիսինն է իրադրությունն առաջնագծում:

Պատասխան- Իրադրությունն առաջնագծի տարբերուղղություններում տարբեր է՝ կախված, թե կոնկրետ տվյալ ուղղությամբ հակառակորդի գործողությունները ինչ բնույթ են կրում: Անկանոն կրակոցներ միշտ էլ եղել են, սակայն վերջին շրջանում Ադրբեջանի քայլերը սկսել են առավել նպատակային բնույթ կրել, տեսանելի է, որ այդ երկրի զինուժը խնդիր է դրել՝ ամեն գնով վնաս պատճառել՝մարդկային, թե նյութական, դա նրա համար այս փուլում, կարծես թե, այդքան էլ էական չէ: Կարևորը՝ հայկական կողմի վրա ճնշումների փորձեր ձեռնարկելն է, ինչը չի կարող ՊԲ-ի կողմից անպատասխան մնալ:

Հարց- Ադրբեջանական զինուժը բոլորովին վերջերս «ՍՎԴ» տիպի դիպուկահար հրացաններից կրակ է վարել ՊԲ արևելյան (Ակնա) հատվածում տեղակայված զորամասերից մեկի հացի ավտոմեքենայի ուղղությամբ՝ վնասելով թափքը, իսկ միայն մայիսի 2-ի լույս 3-ի գիշերը բանակի հյուսիս-արևելյան (Մատաղիսի) հատվածում գտնվող մարտական դիրքերի ուղղությամբ խոշոր տրամաչափի դիպուկահար զինատեսակներից, գնդացիրներից ու ինքնաձիգերից արձակել է շուրջ 330 կրակոց։ Ձեր կարծիքով ի՞նչով է պայմանավորված հարևան երկրի կողմից նման պահվածքը, և արդյո՞ք առաջիկայում լարվածության աճը կարող է պահպանվել:

Պատասխան- Ադրբեջանը որոշակիորեն ակտիվացրել է իր ավանդական մարտավարությունը՝ փորձելով առաջնագիծը պահել լարվածության մեջ: Պաշտոնական Բաքվի այս վարքագիծը բխում է Արցախի հարցով ընթացող պրոցեսների տրամաբանությունից՝ մինչ այ սպահն Ադրբեջանը զուտ իմիտացիայիով է զբաղված՝ փորձելով ցույց տալ, թե պատրաստ է բանակցությունների վերսկսմանը, սակայն իրականում, իր քայլերը հակառակն են հուշում: Բանակցությունների վերսկսման հետաձգումը պարարտ հող է ադրբեջանական սադրանքների համար:

Հարց- Պարո՛ն Աբրահամյան, շատ է խոսվում Ադրբեջանի կողմից ամրաշինական գործողությունների իրականացման մասին, ի՞նչ վտանգ է դա ներկայացնում, ի՞նչի մասին է խոսքը:

Պատասխան- Դրանք ռազմական, բազմաֆունկցիոնալ օբյեկտներ են, որոնք առաջին հերթին ծառայեցվում են, օգտագործվում են որպես ճնշման լծակներ՝ հայկական դիրքերի ուղղությամբ, հնարավորության դեպքում՝ նաև թիկունքում գտնվող տարբեր նշանակության օբյեկտների, մարդկային ուժի ուղղությամբ կրակ բացելու, վնաս հասցնելու համար: Ակնհայտ է, որ «խաղաղության ուղերձների» ներքո, Ադրբեջանը փորձում է առաջնագիծը նկարագրածս և դրա նշանակությամբ այլ ռազմական ենթակառուցվածքների ձևավորմամբ, հագեցմամբ նախապատրաստել հնարավոր սադրանքների: Ադրբեջանի այս պահվածքը նաև ցույց է տալիս, որ Ադրբեջանը ձեռքի տակ նոր սցենարներ է մշակում՝ ցանկացած պահի իրավիճակն առաջնագծում կտրուկ սրելուհամար:

ՊԲ կանխարգելիչ գործողությունները նպատակ ունեն՝ որոշակի պարբերականությամբ, ստեղծված անհրաժեշտությունից ելնելով, կանխելու Ադրբեջանի այն քայլերը, որոնք եթե ոչ այսօր, ապա կարճ ժամանակ անց կարողեն լարվածության նոր փուլ թևակոխել:

Հարց- Վերջերս ադրբեջանական որոշլրատվամիջոցների կողմից ապատեղեկատվություն էր տարածվել, թե հայկական առաջապահ ուժերը կրակահերթեր են արձակել մերձճակատային Չիրագլի գյուղի ուղղությամբ, որի ընթացքում գնդակոծության տակ են հայտնվել այդ ժամանակ տներից մեկի բակում գտնվող 4-ից 13 տարեկան մի քանի աղջիկ երեխաներ: Արդյո՞ք տեղեկատվական դաշտում ևս սպասվում են որոշակի ակտիվացումներ:

Պատասխան- Ադրբեջանն այդպիսի ապատեղեկատվության տարածմամբ հիմք էր նախապատրաստում ակտիվանալու և ինչպես տարբեր փուլերում ենք տեսել, սադրանքները սկսեց տեղեկատվական նախապատրաստմամբ: Պատահական չէր, որ ՊԲ-ն օպերատիվ արձագանքել էր այդ ապատեղեկատվությանը՝ հաշվի առնելով, որ ծանոթ ենք նմանատիպ բովանդակությամբ տեքստերից հետո առաջնագծում նախկինում տեղի ունեցած զարգացումների փորձին: Սրան զուգահեռ, երկար ժամանակ է, Ադրբեջանի պաշտպանության գերատեսչությունը ջանքեր չի խնայում իր զինված ուժերի մասին «հերոսական ճանապարհ» կերտելուն, որը հիմնականում դրսևորվում է տարբեր հատուկջոկատայինների մասին կեղծ, հերոսական էջեր կերտելու և իր տարբեր մասշտաբների զորավարժություններին ընդգծված քարոզչական բնույթ հաղորդելուն: Ադրբեջանական քարոզչամեքենան աշխատանքներ է տանում ոչ միայն երկրի ներսում, այլ տեղեկատվական դաշտում գործիքներ է կիրառում՝ փորձելով ներազդել նաև հայհանրության վրա:

Հարց- Պարո՛ն Աբրահամյան և ամենակարևորի մասին՝ առջևում մայիսյան եռատոններն են: Հնարավո՞ր է որոշակի լարվածության աճի սպասել նաև այդ ընթացքում:

Պատասխան- Պաշտպանության բանակը տոնական, ոչ տոնական օրերին, առաջնագծում ստեղծված ցանկացած իրադրության ժամանակ իր ծառայությունը տանում է բարձր մակարդակով՝ պատրաստ լինելով կանխելու հակառակորդի ցանկացած փորձ, որը կարող է վտանգ առաջացնել իրադրության հետագա բարդացումների վրա: Արցախի հետ շանտաժի, սպառնալիքի լեզվով խոսել չի ստացվի:

Լրահոս
ՀՀ ոստիկանությունը հայտարարություն է տարածել Ծեծկռտուք՝ ոստիկանների մասնակցությամբ. «Հետք». ՏԵՍԱՆՅՈՒԹ Հրավիրում ենք վարորդների ուշադրությունը Փաշինյանի հավաքին արձանագրվել են մուրճով ներկա գտնված մասնակիցներ. ՄԻՊ-ն ահազանգում է «Դադարեցրե՛ք հայ ռազմագերիների դեմ սկսված կեղծ դատավարությունը». Եվրախորհրդարանի պատգամավոր Սամվել Կարապետյանն արձագանքել է Բաքվի մեղադրանքներին Քվեարկելու եմ ընդդեմ Նիկոլի և նիկոլիզմի. Արա Սաղաթելյան. ՏԵՍԱՆՅՈՒԹ Մհեր Մկրտչյանի «Իշխանություն» ֆիլմը արդեն անվճար հասանելի է առցանց Ուղիղ հրահանգ եմ տալիս․ Վլադիմիր Գասպարյանի հայտարարությունը ՌՀՄ պատասխանը՝ Ադրբեջանի հայտարարությանը Լավրովն ու Պեսկովը՝ Ադրբեջանում թուրքական ռազմաբազայի ստեղծման մասին «Բանակում նկատվում են նախընտրական քաղաքական քարոզչության դեպքեր». Արցախի ՊԲ-ն հայտարարություն է տարածել Կրեմլում մեկնաբանել են Հայաստանում կայանալիք արտահերթ ընտրությունները Ռոբերտ Քոչարյանը ուղերձ է հղել. ՏԵՍԱՆՅՈՒԹ Սասուն Միքայելյանը հայտարարություն է տարածել Փորձում են ցանկացած եղանակով Քոչարյանի վրա դուրս գալու եղանակներ փնտրել. Գաբրիելյանով «Տղերքը ձեր քայլին են սպասում». Գեղամ Նազարյան Ռուսաստանը կարող է հուլիսի 1-ից վերսկսել Թուրքիայի հետ ավիահաղորդակցությունը «Ինչ ձեռնարկել է հեղափոխական իշխանությունը, լավագույն դեպքում ավարտվել է ձախողմամբ, իսկ առավել հաճախ` ողբերգությամբ». Մինասյան. ՏԵՍԱՆՅՈՒԹ Օնիկ Գասպարյանը հայտարարություն է տարածել Ա՛ղջի, դե սկսեք գոռալ նիկոլ վարչապետ. Հատուկ բացականչություններ են սովորեցնում՝ Փաշինյանին ուրախացնելու համար. ՏԵՍԱՆՅՈՒԹ «Գելլափ ինթերնեշնլ»-ի հարցումների վերջին տվյալները Իրանում սկսվեց քվեարկությունը երկրի նախագահի ընտրություններում Իրանն ու Վրաստանն ընդհանրապես գլուխ չեն հանում մեր վարած քաղաքականությունից. Սուրեն Սարգսյան Քարվաճառի լճում ադրբեջանցի զինծառայող է խեղդվել «Տաշիր» ընկերությունների խմբի նախագահ Սամվել Կարապետյանի հայտարարությունը Ինչ են գողացել ադրբեջանցիները. մանրամասներ. «Ժողովուրդ» Փաշինյանը երեկ խիստ զայրացել է. թիմը տապալել է առաջադրանքը. «Ժողովուրդ» Արամ Սարգսյանի ցուցակում գործարար և օդիոզ դեմքերի պակաս չկա. «Հրապարակ» Արարատ Միրզոյանին տարբեր մարդիկ են հանդիպել. նա շատ կտրուկ փոխվել է. «Ժողովուրդ» Ոստիկաններն իրենց ձեռքով փոխել են Ռոբերտ Քոչարյանի պաստառը, որի վրա ներկ է լցված եղել. «Հրապարակ» Սասուն Միքայելյան. բացի Նիկոլից, ում ուզում եք ընտրեք. «Իրավունք» Հայ ռազմագերիները` խաղաքարտ Ադրբեջանի համար. «Հայաստանի Հանրապետություն» «ՀԷՑ»-ը տեղեկացնում է. Երկար ժամանակով լույս չի լինելու Ապրանք ներկրողները սարսափով են սպասում ընտրությունների ավարտին. «Ժողովուրդ» Սուրեն Զոլյանն ուրախ է, որ որդին այլևս իշխանության հետ չէ. «Հրապարակ» Ավշարցիներն ատամ են ցույց տվել. «Հրապարակ» ՕՐՎԱ ԽՈՐՀՈՒՐԴԸ: Հունիսի 18 Լևոն Տեր-Պետրոսյանի ուղերձը Ի՞նչ խոսեց Փաշինյանը հանրահավաքին
Խմբագրի ընտրություն
website by Sargssyan