ՀԱԿ-ում լուրջ սկանդալ է հասունանում. Նիկոլ Փաշինյանը հոդվածների շարք է սկսել Լևոն Զուրաբյանի դեմ
Նմանատիպ
ԱԺ ՀԱԿ խմբակցությունում լուրջ սկանդալ է հասունանում։ ԱԺ պատգամավորներից Նիկոլ Փաշինյանը, թեև ֆորմալ առումով շարունակում է մնալ ՀԱԿ խմբակցության կազմում, սակայն ըստ էության խզել է կապերը, ավելին՝ վերջին օրերին քննադատական հոդվածների շարք է սկսել մասնավորապես ԱԺ ՀԱԿ խմբակցության ղեկավար Լևոն Զուրաբյանի դեմ: Գրում է «Ժողովորդը»-ը:
Թերթը երեկ փորձեց ճշտել՝ հնարավոր է՝ առաջիկայում ՀԱԿ-ը որոշի «պատժամիջոցներ» կիրառել նրա նկատմամբ։ Մանավանդ, որ ԱԺ կանոնակարգը «պատժի» մեխանիզմներ ունի, օրինակ՝ ՀԱԿ խմբակցությունը կարող է որոշել միջազգային պատվիրակություններում փոխել իրենց ներկայացուցչին, և Փաշինյանի փոխարեն ներկայացնել մյուս պատգամավորներին՝ զրկելով գործուղումների մեկնելու հնարավորությունից։ Ի դեպ, այս վերջին քայլին գնաց ԱԺ «Ժառանգություն» խմբակցությունն այն բանից հետո, երբ ժառանգականները գժտվեցին իրենց ցուցակով պատգամավոր դարձած Խ. Քոքոբելյանի և Ա. Արզումանյանի հետ:
ԱԺ ՀԱԿ խմբակցության պատգամավորներից Լյուդմիլա Սարգսյանը թերթի հետ զրույցում դժվարացել է հստակ ասել՝ իրենք կգնան նման քայլի, թե ոչ:
Հետևեք մեզ նաև Telegram-ում