Քաղաքացիները աղբը հանձնում են Երևանի քաղաքապետարանին

ԵՐԵՎԱՆ, 8 ՀՈՒԼԻՍԻ, Panorama.am: Մի շարք քաղաքացիներ Երևանի Արշակունյաց փողոցից աղբ են բերել Երևանի քաղաքապետարանի դիմաց՝ հանձնելու քաղաքապետարանին:

«Աղբը հանձնում ենք Երևանի քաղաքապետարանին» ակցիայի մասնակից Երևանի ավագանու նախկին անդամ Սոնա Աղեկյանն ասաց, որ բնակիչների հորդորով եղել են Արցակունյանց պողոտայում, 21-րդ օրն էր աղբադույլերը չէին մաքրվել, պատկան մարմինները, Երևանի քաղաքապետարանը ցուցաբերում են անգորոծություն։

Նրանք աղբը լցրեցին քաղաքապետարանի մուտքի մոտ՝ «վայելեք այս ամենը»։

«Դուք ավելի վատին պատրաստվեք»,- ասում էին ակցիայի մասնակիցները։

«Ֆիքսեք, որ Երևանի համայնքի կոմունալ վարչության պետը փախնում է»,- ասաց Սոնա Աղեկյանը։

Ոստիկանության ակցիայի երեք մասնակիցներին տարել է ոստիկանական բաժին։ Ս. Աղեկյանի հարցին, թե ինչո՞ւ եք տանում, ոստիկաններից մեկն ասաց՝ ոստիկանի օրինական պահանջը չկատարելու, դիտավորյալ գույքը վնասելու համար։

Panorama.am-ը ՀՀ ոստիկանության հասարակայնության հետ կապերի և լրատվության վարչությունից տեղեկացավ, որ Երևանի քաղաքապետարանի մոտից այսօր ութ քաղաքացի խուլիգանություն կատարելու կասկածանքով բերման է ենթարկվել ոստիկանության Կենտրոնական բաժին։