AM | RU
USD
EUR
RUB

«Ամուլսարում հանք չի՛ շահագործվելու». ստորագրահավաք է մեկնարկել

 

ԵՐԵՎԱՆ, 20 ՕԳՈՍՏՈՍԻ, Panorama.am: Change.org հարթակում ստորագրահավաք է մեկնարկել՝ «Ամուլսարում հանք չի՛ շահագործվելու» դիմում-պահանջագրով։

Դիմում-պահանջագրում ասված է.

«Ստորագրե՜նք և տարածե՜նք այս դիմում-պահանջագիրը։ Կշեռքի նժարներին են դրված մի կողմից Ամուլսարում ոսկու շատ կասկածելի պաշարներից իբր թե սպասվող եկամուտները, իսկ մյուս կողմից մեր քաղցրահամ և հանքային ջրերի կարևորագույն պաշարների անվտանգությունը՝ Սևանա լիճ, Ջերմուկ, Կեչուտի և Սպանդարյանի ջրամբարներ, Որոտան, Արփա և Դարբ գետեր։

Հայաստանի Հանրապետության նախորդ ոչ լեգիտիմ վարչակազմը, միջազգային կապիտալի շահերը պաշտպանող մասնավոր և միջազգային հաստատությունների անմիջական մասնակցությամբ՝ տեղի չտալով Հայաստանի Հանրապետության քաղաքացիների բազմաթիվ ահազանգերին, դիմադրությանն ու բողոքներին, առաջ է մղել բուժիչ հանքային ջրերով հայտնի, առողջարանային և ընտանեկան հանգստի եզակի վայր համարվող Ջերմուկ քաղաքի անմիջական հարևանությամբ գտնվող Ամուլսարի ոսկու հանքավայրի շահագործման ծրագիրը։ Այսօր Հայաստանում արդեն իսկ փոխվել է կառավարությունը, ուստի մեր պահանջը հղում ենք նոր կառավարությանը:

Մեծ Բրիտանիայի օֆշորային Ջերսի կղզում գրանցված «Լիդիան Ինթերնեշընըլ» ընկերությունը նախատեսել է ընդամենը 10 տարվա ընթացքում.

ապականել Ջերմուկի միջավայրն ու տասնյակ տարիների ընթացքում ձեռք բերած հայտնի առողջարանային կենտրոնի իր համբավը,
հանքի թթվային ապարների դրենաժի արդյունքում վտանգել Որոտան-Արփա-Սևան ջրատար թունելն ու տարածաշրջանի քաղցրահամ ջրերի խոշորագույն պաշար հանդիսացող Սևանա լիճը, ինչպես նաև Որոտան և Արփա գետերի ավազանները՝ Սպանդարյանի և Կեչուտի ջրամբարների հետ միասին,
վերացնել եզակի և վտանգված բուսատեսակների և կենդանատեսակների բնակատեղի ու էկոմիգրացիայի միջանցք համարվող Ամուլսարն՝ իր Արտավազդ, Տիգրան և Էրատո գագաթներով,
ոչնչացնել Վայոց Ձորի զբոսաշրջային ու գյուղատնտեսական ներուժը,
խաթարել Ջերմուկի սոցիալական հյուսվածքը, զրկել կանանց զբոսաշրջային, առողջապահական և գյուղատնտեսական ոլորտում ներկայիս աշխատանքից ու մղել նրանց սեռական շահագործման շուկա,
անուղղակիորեն տեղահանել Գնդեվազ գյուղը, որից ընդամենը 1 կմ հեռավորության վրա նախատեսված է տեղադրել 120 հեկտար տարածք զբաղեցնող թունավոր ցիանիդի միջոցով ոսկու տարալվացման հարթակը՝ վերջում Հայաստանին «ընծայելով» ծանր և վտանգավոր մետաղներով հարուստ 100 միլիոն տոննա թունավոր թափոն։

Այս և փորձագետների կողմից բազմիցս նշված ու հաստատված շատ այլ աղետաբեր պատճառներով մենք՝ Հայաստանի և Երկիր մոլորակի էկոլոգիայով մտահոգ և առողջ միջավայրում ապրելու մեր իրավունքը պաշտպանող քաղաքացիներս, Հայաստանի կառավարությանը, բնության և ներկա ու ապագա սերունդների գոյատևման հաշվին դրամական շահ ստացող հանքարդյունաբերողներին ուղղում ենք մեր հստակ ուղերձը՝ «Ո՛Չ ՄԻ ՆՈՐ ՀԱՆՔ ՀԱՅԱՍՏԱՆՈՒՄ, ԱՄՈՒԼՍԱՐՈՒՄ ՀԱՆՔ ՉԻ՛ ՇԱՀԱԳՈՐԾՎԵԼՈՒ»:

Հայաստանի նոր կառավարությունից ևս պահանջում ենք վերանայել բնապահպանական հիմնավոր գնահատում չանցած և օրենքի ակնհայտ խախտումներով տրված թույլտվությունները և անհապաղ դադարեցնել այս գործընթացը։

Համաշխարհային Բանկի անդամ Միջազգային ֆինանսական կորպորացիայից (IFC) պահանջում ենք դադարեցնել հանքի շահագործման համար խոստացված ֆինանսավորումը և ձերբազատվել օֆշորային գոտում գրանցված և որևէ հանքարդյունաբերական փորձ չունեցող «Լիդիան Ինթերնեշընըլ» ընկերության բաժնետոմսերից։ Նույնը պահանջում ենք նաև Վերակառուցման և զարգացման եվրոպական բանկից (EBRD)։

Հանքարդյունաբերության ոլորտում ներդրումներով զբաղվող Orion Mine Finance և Resource Capital Funds ընկերություններից պահանջում ենք հրաժարվել Ամուլսարի ոսկու հանքավայրի ծրագրի ֆինանսավորումից։

Մենք հաստատակամ ենք մեր պահանջներում և թույլ չե՛նք տալու Հայաստանի հերթական հանքարդյունաբերական ավերն ու էկոլոգիական, տնտեսական և կենսական այս սպառնալիքի իրագործումը։ Մենք բոլորս պատասխանատու ենք մեր, ապագա սերունդների և բնության առջև։

Ամուլսարի հանքի ծրագրի մասին ավելի մանրամասն կարելի է կարդալ այստեղ՝
http://www.armecofront.net/lrahos/amulsar/
http://ecolur.org/hy/news/amulsar/

Այս ստորագրահավաքը տարածելու համար կարճ հղումը՝ այստեղ»։

Մանրամասները՝ սկզբնաղբյուր կայքում։

Լրահոս
Խոշոր հրդեհ Մատենադարանի հետնամասում․ դեպքի վայր է մեկնել 6 մարտական հաշվարկ (տեսանյութ) Ռուսաստանն իր նորագույն պատմության մեջ առաջին անգամ տիրապետում է լավագույն և ամենակատարյալ զենքին, որից ոչ ոք չունի. Պուտին Ամենաարդյունավետ նիհարելու միջոցը՝ առանց դիետաների Առաջիկայում սահմանին սադրանքների մեծ ռիսկը կպահպանվի․ Տիգրան Աբրահամյան Եթե այս վիճակից դուրս չգանք, իրոք անդունդի մեջ ենք. Գագիկ Ծառուկյան (տեսանյութ) Ազատության հրապարակում իշխանության հրաժարականի պահանջով հանրահավաք տեղի ունեցավ (տեսանյութ) Հունիսի 18-ից ՍԴ-ն որոշում չի կարողացել կայացնել. Արամ Վարդևանյան ՀՀ տարածքում ջերմաստիճանն աստիճանաբար կնվազի Հակառակորդի կողմից հրադադարի պահպանման ռեժիմը խախտվել է շուրջ 295 անգամ Իրանը մտադիր է վրեժ լուծել գեներալ Սուլեյմանիի սպանության մասնակիցներից Արձակուրդից վերադառնալուց հետո Հրայր Թովմասյանը մասնակցել է բոլոր նիստերին. ՍԴ Ինչից է ՁԵԶ փորձում զրկել «հեղափոխությունը». Արփինե Հովհաննիսյան «Պռոշյանի գինու գործարան»-ում պայթյունի հետևանքով տուժածներից մեկը մահացել է Արցախի Ազգային ժողովի նստավայրը Ստեփանակերտից կտեղափոխվի Շուշի Սպասվում են լրջագույն քաղաքական զարգացումներ, որտեղ «Հայրենիք» կուսակցությունն ունենալու է առանցքային դեր․ Արթուր Վանեցյան Հայաստանում կորոնավիրուսով վարակվելու հաստատված դեպքերը «Տեսողությունս կորցնելուց հետո եմ միայն իմացել, որ գարդասիլի պատվաստում եմ ստացել» «Ժողովուրդ»․ Շուտով կհայտարարվի նախաքննության ավարտի մասին «Հրապարակ»․ Երկրի վարչապետն ավելի կարևոր մտահոգություն ունի, քան մեր երկրի սոցիալ-տնտեսական վիճակն ու բյուր խնդիրները «Ժողովուրդ»․ Առաջիկայում Հայաստանում նոր թանկացումներ կլինեն և արդեն կան «168 ժամ». Քաղաքական բանավեճի ու մշակույթի մակարդակն իջել ու իջնում է՝ հասնելով անթույլատրելի ցածր կետի «Հրապարակ». Ձեր երկրում անասելի շատ քրգործեր են հարուցվում, որոնք ոչ մի հանգրվանի չեն հասնում․ ՀՀ-ում ՌԴ դեսպան «Հրապարակ». Խաչատուր Սուքիասյանը իշխանության փիարը նոր մակարդակի է հասցնում ՕՐՎԱ ԽՈՐՀՈՒՐԴԸ: Սեպտեմբերի 19 «Իմ քայլը» հիմնադրամը նորաստեղծ ՀԿ-ին մոտ 96 մլն դրամ էր տվել՝ նոյեմբերին Համալիրում կազմակերպված փառատոնի համար Նոր չարտերային չվերթներ Մոսկվայից Երևան Պաշտպանվել սեփական կառավարությունից Նիկոլ Փաշինյանի հրաժարականի պահանջով բողոքի ակցիա՝ Մատենադարանի դիմաց. ՏԵՍԱՆՅՈՒԹ Այլևս չենք զարմանում մեզ հարևան որոշ երկրների դրսևորած վանդալիզմից. Հայրապետյան «Հայրենիք» կուսակցությունը խորհրդի նիստ է անցկացրել «Մտքովդ չանցնի, որ պետութունն ու ժողովուրդը վճարելու են քո ճակատագրական սխալների գինը». Աշոտյանը՝ վարչապետին Հայաստանում կա էլիտա, որը կարող է փոխարինել այս իշխանություններին. Ռոբերտ Քոչարյան (տեսանյութ) Ճիշտ չէ, որ բանակում չծառայած մարդն ասի՝ բոլորդ պետք է ծառայեք. Գորգիսյան Թո՛ղ գան, խոսե՛ն մարդկանց հետ. Ամուլսարի հարակից համայնքի բնակիչները Կառավարությանը հրավիրում են համայնք (Տեսանյութ) «Qatar Airways»-ը դեպի Երևան թռիչքները հոկտեմբերի 5-ից կդարձնի ամենօրյա Ես ասել ու ասում եմ՝ եթե պետությունը քայլեր չանի, փոփոխություններ չկատարի, մենք օր օրի անդունդ ենք գնալու. Գագիկ Ծառուկյան (տեսանյութ) Արցախի նախագահն ընդունել է ՀՀ ԱԳՆ պատվիրակությանը Սորոսական շրջանակնե՞րն են Բաթոյանին ջրից չոր դուրս բերում․ «Մեդիա պաշտպանի» մշտադիտարկումները մամուլում ՀՀ տարածքում վաղվանից ջերմաստիճանն աստիճանաբար կնվազի Արմավիրի մարզում մի քանի գյուղերի բնակիչներ փակել են Էջմիածին-Մարգարա ճանապարհը
Խմբագրի ընտրություն
website by Sargssyan