Զելենսկին անձամբ է դիմավորել ՌԴ-ում բանտարկությունից ազատված և Ուկրաինա վերադարձած հայրենակիցներին (տեսանյութ)

ԵՐԵՎԱՆ, 7 ՍԵՊՏԵՄԲԵՐԻ, Tert.am: Ուկարաինայի նախագահ Վլադիմիր Զելենսկին «Բորիսպոլ» օդանավակայանում անձամբ է դիմավորել Մոսկվայից ժամանած քաղաքացիներին, որոնք ազատ են արձակվել ՌԴ-ում բանտարկությունից:

Ինչպես փոխանցում է РИА Новости-ն, երկրի ղեկավարից բացի նրանց դիմավորել են հարազատները: Զելենսկին նրանցից յուրաքանչյուրին ողջունել է ձեռքսեղմամբ և գրկախառնությամբ, հեռարձակումը վարել են ուկրաինական լրատվամիջոցները:

Ուկրաինան և Ռուսաստանն ամռան վերջին սկսել էին աշխատանքներ տանել երկու երկրում գտնվող կալանավորների ազատ արձակման և հայրենիք տեղափոխման ուղղությամբ: