AM | RU
USD
EUR
RUB

Նախարարն իր վրա արդեն վերցրել է նաև արդարադատության նախարարի ֆունկցիան, երևի շուտով արդարադատությունն էլ միացնեն ԿԳՄՍՆ-ին. ԵՊՀ դասախոս

 

ԵՐԵՎԱՆ, 19 ՆՈՅԵՄԲԵՐԻ, Tert.am: Շատ դժգոհ եմ հանդիպումից. նախարարի կողմից ամբողջ հանդիպումն ընթացավ արհամարհական և ընդգծված ատելության միջավայրում: Այս մասին Tert.am-ի հետ զրույցում ասաց ԵՊՀ հայ բանասիրության ֆակուլտետի հայոց լեզվի ամբիոնի դասախոս Ռիտա Սաղաթելյանը՝ անդրադառնալով երեկ ԿԳՄՍ նախարարությունում նախարար Արայիկ Հարությունյանի և ԵՊՀ դասախոսների հանդիպմանը, որին ինքն էլ էր ներկա:

«Հանդիպման ընթացքում մեր բոլոր հարցադրումները և, մասնավորապես, իմ կողմից չբարձրաձայնվածը քաղաքականացվեց և դարձյալ սլաքն ուղղվեց դեպի «Դաշնակցություն», իսկ հարցի բուն էությանն էլ ընդհանրապես նախարարը չանդրադարձավ: Միայն ասում էր՝ գնացեք ձեր բնագետ կոլեգաների հետ այդ հարցը լուծեք, դա էր ասում: Նախարարի կողմից ատելություն կար ոչ միայն այնտեղ գտնվող հայագետների, այլ նաև ամբողջ հայագիտության նկատմամբ»,- ասաց նա:

Ռիտա Սաղաթելյանը երեկ նախարարի հետ հանդիպմանը նրանից ընդամենը հետաքրքրվել էր՝ կա՞ արդյոք քրեական գործ Հայոց լեզվի ամբիոնի որևէ դասախոսի վերաբերյալ, քանի որ նախարարը նշել էր, թե «Հայոց լեզուն» ոչ պարտադիր դարձնելով՝ դասախոսները կոռուպցիոն որոշ հնարավորություններից զրկվում են: Նախարարը Ռիտա Սաղաթելյանին պատասխանել էր. «Հիմա Ձեզ գամ, Ձեր քաղաքական թիմին գամ: Կոռուպցիան բացահայտելը բավականին բարդ գործ է: Բայց Ձեր եղբոր տղայի կուսակցությունն անպայման կստանա այդ արկղերով քրեական գործերը»:
Նշենք, որ Ռիտա Սաղաթելյանը ՀՅԴ ԳՄ ներկայացուցիչ Իշխան Սաղաթելյանի հորաքույրն է:

Tert.am-ի հետ զրույցում Ռիտա Սաղաթելյանը նշեց, որ իր հարցն ընդհանրապես կապ չուներ «Դաշնակցություն» կուսակցության գործունեության, նախորդների գործունեության հետ: «Ընդհանրապես այս իմ զայրույթը կապ չունի որևէ կուսակցության կամ ընդհանարապես քաղաքականության հետ»,- ասաց նա:

Ռիտա Սաղաթելյանն ընդգծեց, որ 26 տարուց ավելի է, ինչ դասախոս է և վստահեցրեց, որ եթե կգտնվի գեթ մեկ ուսանող, որը կհայտարարի, թե ինքը կաշառք է վերցրել, ապա պատրաստ է հենց հաջորդ օրը դիմում գրել և հեռանալ համալսարանից: «Ես անցել եմ մտավորականի չարչարված ու տանջված ճանապարհ: Եվ այսօր իմ կառույցը ղեկավարող պաշտոնական անձը հրապարակավ հայտարարում է, որ «Հայոց լեզու» առարկան բուհերից հանում են նաև նրա համար, որ դրանով դասախոսներին զրկի կոռուպցիոն հնարավորությունից, ու ինձ դարձնում են հանրության «բերանին ծամոն»... իմ հարցը միայն այդ մի պարզ նպատակն էր հետապնդում, եթե կան կոռումպացված դասախոսներ, թող հրապարակեն այդ դասախոսների անունները: Ինչքան հասկացա, նախարարն իր վրա արդեն վերցրել է նաև արդարադատության նախարարի ֆունկցիան, երևի շուտով արդարադատությունն էլ կմիացնեն ԿԳՄՍՆ-ին: Եթե ինքն իր վրա այդ ֆունկցիան վերցրել է, թող խոսի փաստերով, եթե ոչ, թող չզբաղվի զրպարտությամբ: Վերջապես ով հիմա խոսում է , ասում են՝ լափից զրկվեց, լափամանից զրկվեց, հիմա մեր պետական կառավարման համակարգում ո՞վ է ստուգել, ո՞վ գիտի, թե ով է այդ լափամանին ավելի մոտ եղել: Համենայն դեպս, դասախոսը լափամանի հետ ընդհանրապես կապ չի ունեցել: Այսօր հենց բերաններս բացում ենք, ասում են՝ վայ, զրկվեցին լափամանից»,- ասաց նա:

Սաղաթելյանը՝ անդրադառնալով, որ Իշխան Սաղաթելյանի հորաքույրն է նշեց. «Այսօր կառավարական մասշտաբով կարծես հայտնագործություն են արել, կարծես լրտես են հայտնաբերել, գաղտնի գործակալ, Սաղաթելյան Ռիտան Իշխան Սաղաթելյանի հորաքույրն է, բայց ես իմ կենսագրությունը ոչ մեկից չեմ թաքցրել»:

Վերջինս նշեց, որ առաջին դասախոսներից է եղել, որ ուսանողների հետ միացել է շարժմանը, որ հույս է ունեցել կկառուցվի նոր Հայաստան և հիմա կարծում է՝ իրավունք ունի ասելու իր մտածածը: «Հիմա եթե խոսում եմ ուրեմն զրկվե՞լ եմ լափամանի՞ց, ես ոչ մի անգամ այդ լափամանին մոտ էլ չեմ եղել»,- ասաց նա:

Ըստ Սաղաթելյանի՝ անընդհատ շեշտելով, թե ինքը Իշխան Սաղաթելյանի հորաքույրն է և սպառնալով քրեական գործերով, փորձ է արվում լռեցնել իրենց: «Այո, Ռիտա Սաղաթելյանը ոչ միայն Իշխան Սաղաթելյանի հորաքույրն է, այլև Դաշնակցություն կուսակցության համակիր, գաղափարակից: Իհարկե, ես պետք է հիասթափեցնեմ ընդդիմախոսներին, ասելով, որ երբեք կուսակցության անդամ չեմ եղել: Եթե ես հայագետ եմ, պետք է լավ դասախոսեմ ու ճիշտ ուղու վրա դնեմ իմ ուսանողին, իսկ քաղաքական հարցերը ինձ չեն հետաքրքրում: Ինչո՞վ են սպառնում, ի՞նչ պիտի անեն, դաշնակցականը խոսելու իրավունք չունի՞»,- հայտարարեց նա:

Բացի այդ, դասախոսը նշեց, որ ոչ միայն դաշնակցականներին, այլև ցանկացածի անունը, որ նշում են որպես կոռումպացվածի, եթե կան տվյալներ, թող պատասխանատվության կանչեն: «Մի բան էլ ասեմ. եթե Սաղաթելյանը երբևէ կոռուպցիոն գործողությունների մեջ լիներ, հաստատ այդքան շատ չէր խոսի կոռուպցիայի մասին ու հենց այդքան չէր պահանջի՝ թվարկեք կոռուպցիոներներին, ոչ թե անմեղ մարդկանց տարեք խառնեք էդ կոռուպցիոներներին ու սարքեք հասարակության «բերանի ծամոն»»,- նշեց նա:

Ինչ վերաբերում է նախարարի արած «ձեր եղբոր որդու» կուսակցություն հայտարարությանը, Ռիտա Սաղաթելյանն ասաց. «Այդ հայտարարությունը, որ արեց նախարարը, ուղղակի ծիծաղելի էր, դա նախարարի հայտարարությո՞ւն է: Այդ կուսակցությունը մինչև Ռիտա Սաղաթելյանը, մինչև Իշխան Սաղաթելյանը 130 տարի եղել ու քայլել է, դեռ կտեսնենք, թե իրենց կուսակցությունը քանի տարի, քանի ամիս կքայլի, եթե շարունակի այս հայատյաց քաղաքականությունը»,- եզրափակեց նա:

Լրահոս
Բաղդադում կրակոցներից զոհերի թիվը հասել է 50-ի Նոյեմբերին կաթնամթերքի, հացաբուլկեղենի գներն աճել են, շաքարավազինը՝ նվազել Ֆրանսիայում պղծել են Հայոց ցեղասպանության զոհերի հիշատակին կանգնեցված խաչքարը ԱՄՆ-ում հայտարարել են, որ կշարունակեն առավելագույն ճնշում գործադրել Իրանի վրա Թուրքիան կրկին սպառնացել է վերսկսել ռազմական գործողությունները Սիրիայում Ֆինանսների նախարարը դեմ է առողջապահության պարտադիր ապահովագրության նախագծին ԱՄՆ-ը փորձում է տնտեսապես խեղդել Իրանին․ Սերգեյ Լավրով Հակառակորդը խախտել է հրադադարի ռեժիմն ավելի քան 130 անգամ Հայաստանում վերջին երեք տարիներին սեյսմիկ ցնցումների քանակն աճել է Գիտե՞ք մեր իրականության ամենասարսափելի բաներն ինչերն են... Ավերիչ երկրաշարժից 31 տարի է անցել. Նիկոլ Փաշինյանը Սպիտակում է Զոհրաբ Մնացականյանը հանդիպել է ԱՄՆ պետքարտուղարի Եվրոպական և Եվրասիական հարցերով տեղակալի հետ Պուտինը Գերմանիայից ժամանած գործարարների հետ հանդիպման ժամանակ գերմաներեն է խոսել (տեսանյութ) Զելենսկին հստակ արդյունքի է սպասում Պուտինի հետ հանդիպումից «ՀԷՑ»-ը տեղեկացնում է. Լույս չի լինելու Լրացավ 1988-ի ավերիչ երկրաշարժի 31-րդ տարելիցը ՀՀ տարածքում կան դժվարանցանելի ավտոճանապարհներ «Փաստ». Կունենա՞նք 2050-ին 5 մլն բնակչություն. թվերն այլ բան են փաստում «168 ժամ». Մենք շարժվում ենք այն օրակարգով, որը տարիներ շարունակ ունենք. Ադրբեջանի հարցերով փորձագետ «Հրապարակ». Ինչպե՞ս են տեղի ունենալու Ադրբեջանի ժողովրդի հետ բանակցությունները «Հրապարակ». Ամանորին կծախսվի մոտ 10 անգամ շատ գումար, քան Տարոն Մարգարյանի օրոք «Փաստ». Փաշինյանն հասարակության դժգոհ շերտին վերագրում է «չուզողի սինդրոմ» ՕՐՎԱ ԽՈՐՀՈՒՐԴԸ: Դեկտեմբերի 7 Դեկտեմբերի 7-11-ը սպասվում է առանց տեղումների եղանակ Արցախի ժողովրդավարական զարգացմամբ շահագրգռված պետք է լինենք բոլորս. Աշոտ Ղուլյան Ախալքալաքում նույնպես կլինեն ցույցեր Հայաստանի ՏԿԵ փոխնախարարը «դուխով» ելույթ է ունեցել Բաքվում. «Բազար» է սկսվել Ամանորի միջոցառումներին ծախսում են 30 վերելակի գումար Քննարկվել է մինչև 2030 թվականը ԱՊՀ տնտեսական զարգացման ռազմավարության նախագիծը Մանրամասներ՝ Էջմիածնում տեղի ունեցած սպանության փորձից․ (Տեսանյութ) Ծիծաղելի է Սերժ Սարգսյանին նման մեղադրանք առաջադրելը, նա հափշտակող չէ․ Բարսեղ Բեգլարյան ՀՀ ԱԳ նախարարը Միրոսլավ Լայչակին ներկայացրել է ԼՂ կարգավորման գործընթացի շուրջ վերջին զարգացումները ՊԵԿ. Հնարավորություն է ստեղծվում ներմուծել աջ ղեկով տրանսպորտային միջոցներ ՀՅԴ–ն երբևէ չի ղեկավարվել միանձնյա, ուր մնաց հանդուրժի որևէ մեկի կողմից ստվերային ղեկավարում. Հրանտ Մարգարյան ՀՀ-ի ու ԱՀ-ի անվտանգությունը կախված է Փաշինյանի քմահաճույքներից. Կոնստանտին Տեր-Նակալյան (տեսանյութ) Հայկական զինված ուժերն ամրապնդում են իրենց դիրքերը Զոհրաբ Մնացականյանն ու ԵՄ հատուկ ներկայացուցիչը քննարկել են ԼՂ հակամարտության խաղաղ կարգավորման գործընթացը ԱՆ-ն հերքում է «Պյեռլուիջի Կոլինա» անունով քաղաքացի երեխա չի որդեգրել Ռուսաստանը պատասխանել է ԱՄՆ-ի կողմից նոր պատժամիջոցների կիրառմանը Որոշ ուղևորներ օդի տուրք չեն մուծի
Խմբագրի ընտրություն
website by Sargssyan