AM | RU
USD
EUR
RUB

Առողջական խնդիր ունեցող աշխատողը պիտի՞ հարկվի, որ չաշխատողը բուժվի

 

ԵՐԵՎԱՆ, 16 ԴԵԿՏԵՄԲԵՐԻ, Panorama.am: Հայաստանի Հանրապետության առողջապահության նախարարությունը առաջարկում է առողջապահության ապահովագրումը դարձնել պարտադիր և համընդհանուր՝ աշխատող անձանց եկամտի 4-6%-ը գանձելով` որպես առողջապահության հարկ։ Որպես հիմնավորում նախարարությունը բարձրաձայնում է սոցիալական հավասարության և համերաշխության մասին, այսինքն՝ առողջապահության համապարփակ ապահովագրումը թույլ կտա մարդկանց օգտվել հիմնական բժշկական օգնությունից և սպասարկումից, հասանելի կդարձնի այդ ծառայությունները նրանց համար՝ անկախ հանգամանքից՝ տվյալ քաղաքացին վճարունակ է, թե ոչ։

Առողջապահության նախարարությունը, խոսելով սոցիալական հավասարության մասին, աշխատող հանրույթին՝ ներառյալ քրոնիկ հիվանդություններ ունեցող մարդկանց, ստիպում է սեփական գրպանից գումար հատկացնել պետությանը, որպեսզի վերջինս կարողանա առողջապահական ծառայություններ մատուցել բոլորին։ Սակայն հարց է ծագում. ի՞նչ պետք է անի քրոնիկ հիվանդություն ունեցող և ստիպված աշխատող քաղաքացին, ով ամեն ամիս որոշակի գումար է ծախսում դեղորայք ձեռք բերելու համար։

Առողջապահության համաշխարհային կազմակերպության (ԱՀԿ) տվյալներով՝ Հայաստանում, ինչպես և աշխարհում, արյան շրջանառության համակարգի հիվանդություններն առաջին տեղում են։ 2017 թվականի տվյալների համաձայն՝ Հայաստանում արյան շրջանառության համակարգի խնդիրներ ունեցող 249016 քաղաքացի է գրանցվել, 2018-ին նշված թիվը 8687-ով ավելացել է՝ հասնելով 257703-ի։ Նշված քաղաքացիների գերակշիռ մասը սիրտ-անոթային հիվանդություններ ու արյան ճնշում ունի։ Սիրտ-անոթային խնդիր ունեցող մարդիկ դեղորայք գնելու համար տարեկան ծախսում են 120-240 հազար դրամ։

«Օրական 2 տեսակ դեղ ճնշման համար եմ խմում, մեկ տեսակ էլ՝ սրտի համար՝ առավոտյան և երեկոյան։ Այս պահին 11 000 դրամ եմ ծախսում դեղերի ամբողջ փաթեթի համար, իսկ, օրինակ, 6 ամիս առաջ մեկ դեղ պակաս էի խմում և վճարում էի 9000 դրամ։ Եղել է ժամանակ, որ 20 000 եմ վճարել փաթեթի համար։ Բժշկի հետ համաձայնեցնում ենք ու դեղերը փոխում»,- Panorama.am-ի հետ զրույցում նշեց քաղաքացիներից մեկը։

Մեկ այլ տարածված խնդրի՝ միգրենի դեպքում, քաղաքացիները տարեկան ծախսում են միջինը 60-70 հազար դրամ, սակայն կան քաղաքացիներ, ովքեր վստահեցնում են՝ դեղերի տարեկան փաթեթի համար 180 հազար դրամ և ավելի են ծախսում. դա էլ կախված է դեղերի ազդեցության մակարդակից։

«Նոպաների ժամանակ դեղ եմ խմում, որի մեկ կոճակը 1000 դրամ է։ Ամսական ամենաքիչը 15 հատ խմում եմ»,- նշեց մեր զրուցակիցը։

Խնդիրն փոքր-ինչ այլ է շաքարային դիաբետի դեպքում. այստեղ պետությունն այժմ տրամադրում է դեղորայք, որը, սակայն խնդիր ունեցողներից շատերը հրաժարվում են օգտագործել, քանի որ անորակ է։ Բացի այդ, պետությունը միայն դեղորայքն է տրամադրում, բայց անհրաժեշտ ներարկիչներն ու տեստ-երիզները քաղաքացին է գնում։

«Եթե չափահաս մարդը, ինսուլինաթերապիայով է ապրում ու հրաժարվում է պետության տված դեղերից, ուրեմն միայն դեղերի համար ամսական միջինը 70-90 000 դրամ է ծախսում։ Բացի այդ նա գնում է տեստ-երիզ, որի մեկ տուփը 6000 դրամ է, մեջը 50 հատ։ Օրական 2-3 հատ օգտագործվում է։ Այսինքն՝ ամսական 2 տուփ անհրաժեշտ է։ Եթե գումարենք ներարկիչների գումարն էլ 1000-1500 դրամ, ապա ամսական 102 հազար դրամ ծախսվում է»,- նշեց մեր զրուցակիցներից մեկը։

Այսինքն՝ շաքարային դիաբետ ունեցող քաղաքացին տարեկան ծախսում է 1 միլիոն 224 հազար դրամ։
Հարց է առաջանում՝ ինչպե՞ ս է նախարարության շահարկած սոցիալական հավասարությունն ու հավասարակշռությունն ապահովվելու այս դեպքում. քրոնիկ հիվանդություն ունեցող քաղաքացին իր վճարած հարկի հաշվին անվճար դեղորայք ձեռք բերելու հնարավորություն ունենալո՞ւ է։

«Առողջապահության տնտեսագետների ասոցիացիա» ՀԿ նախագահ, առողջապահության ֆինանսավորման փորձագետ Սամվել Խարազյանի խոսքով, ծրագիրը դեղորայքի փաթեթ է առաջարկում, որով քրոնիկ հիվանդությունների համար անհրաժեշտ արտահիվանդանոցային դեղերից որոշները տրամադրվում են, սակայն դեռ պարզ չէ՝ ինչ սկզբունքով։

«Դեղերի մի մասի համար փոխհատուցում տրամադրվում է 50%-ով, բայց կառավարությունը կհաստատի հիվանդությունների ցանկ, որոնց համար անհրաժեշտ դեղամիջոցի համար պետությունը 100% փոխհատուցում կտրամադրի։ Այսինքն՝ էդ առումով մարդիկ լրացուցիչ գումար չեն ծախսի, եթե իհարկե բրենդային դեղեր չեն ընտրել, այդ դեպքում իրենք ստիպված կլինեն իրենց գրպանից գումար ավելացնել տրամադրված գումարին, որպեսզի կարողանան գնել իրենց նախընտրած բրենդի դեղը»,- նշեց Սամվել Խարազյանը։

Այսինքն՝ պետությունը կհարկի քաղաքացիներին, և նրանց կտրամադրի «ոչ բրենդային» դեղորայք, որից չեն հրաժարվի այն քաղաքացիները, ովքեր այժմ էլ պետպատվերի շրջանակում ընդունում են պետության տրամադրած դեղորայքը։ Իսկ ովքեր նախընտրում են թանկարժեք դեղեր օգտագործել, կամ բժիշկների նշանակած «բրենդային» դեղերը պետք է ընդունեն... նրանք թերևս սեփական միջոցներով կշարունակեն գնել իրենց ամսական դեղերի փաթեթը։

Հավելենք, որ ըստ նախագծի՝ առողջության համապարփակ ապահովագրությունը նախատեսվում է ներդնել 2022 թվականից։

Լրահոս
Թրամփը նշել է ընտրություններում իր պարտության միակ պայմանը ԱՄՆ հայտարարությունները հիմնված են իրադրության վերլուծությունների և նրանց տիրապետած տեղեկատվության վրա Հրապարակված ջրամատակարարման նոր գրաֆիկը չի ենթադրում ջրամատակարարման ժամերի կրճատում Վերաքննիչ դատարանը, օրենքի խախտմամբ, հնարավորություն տվեց, որ դատախազությունը վերացնի իր թերությունը. Երեմ Սարգսյան ՀՀ առողջապահության նախարարությունը կորոնավիրուսի դեմ պատվաստանյութ ձեռք կբերի Սերժ Սարգսյանը կանխատեսում էր Արցախի շուրջ ստվերային գործարքների գնալու հավանականությունը. Աշոտյան ՀՅԴ. Անթույլատրելի և դատապարտելի է իշխանությունների այս արատավոր գործելաոճը «Հայրենիք». Գագիկ Ծառուկյանը քաղբանտարկյալ է և պետք է անհապաղ ազատ արձակվի Նախորդ շաբաթ հայ դիրքապահների ուղղությամբ հակառակորդն արձակել է ավելի քան 3000 կրակոց. ՊԲ ԱԱԾ-ն փոխանակ զբաղվի այս փաստով, զբաղված է քաղաքական ձերբակալություններով. Մադաթյան Վաղվանից ՀՀ տարածքում սպասվում է առանց տեղումների եղանակ Ծառուկյանի կալանքը խլացրեց պետական շահի դեմ և ժողովրդի թիկունքում թշնամու հետ գաղտնի պայմանավորվելու աղմուկը․ Արթուր Ղազինյան Փաշինյանը ձևավորել է իր սրտի դատավորների թիմը, որոնք կայացնում են իշխանության ցանկությանը համահունչ վճիռներ․ Էլինար Վարդանյան Աղբյուր Սերոբ փողոցի բնակիչները բողոքի ակցիա են անում. ՈՒՂԻՂ Հայաստանում կորոնավիրուսով վարակվելու դեպքերը կտրուկ աճել են ԲՀԿ-ն հայտարարություն է տարածել Կոմիտաս վարդապետի ծննդյան օրն է Պետք է ժամանակին հակազդել Հայաստանին և Արցախին ուղղված տեղեկատվական սպառնալիքներին. Աբրահամյան Իշխող քաղաքական ուժը իր քաղաքական մրցակիցների դեմ պայքարը տեղափոխում է քրեական դաշտ. Չալաբյան «Նավալնիի հետ կապված միջադեպը կարող էր բեմադրություն լինել». ՌԴ ԱԳՆ Սահմանադրական դատարանի նախահագի ընտրության ժամկետների վերաբերյալ «Հրապարակ»․ Նորայր Դավիդյանի մահը քննարկումների առիթ է տվել․ նա ծանր է տարել իր դեմ իրականացվող իրավական գործընթացը Դու այլեւս ոչինչ չես կարող, Նիկոլ. Աշոտյան «Ժողովուրդ»․ Բնակարանային շուկան ՀՀ-ում պասիվացել է. գործարքները նվազել են «Ժողովուրդ»․ Նոր զարգացումներ՝ Սնանկության դատարանում Արա Զոհրաբյանը դատական հայց է ներկայացրել. նա վիճարկում է Արսեն Թորոսյանի հրամաններից մեկը Գագիկ Ծառուկյանը կալանավորվեց «Ժողովուրդ»․ Մանրամասներ՝ նախօրեին կառավարության քննարկումից Ուկրաինայում օդանավ է կործանվել. Զոհեր կան «Հրապարակ». ՍԴ-ում ուժերի այնպիսի հարաբերակցություն է ձևավորվել, որ կարող են անվերջ նախագահ չընտրել, և դատարանը պարալիզացվի «Հրապարակ». ՀԴՄ կտրոն չվերցնողներն էլ կպատժվեն «Հրապարակ». Նիկոլ Փաշինյանը պատգամավորներին վախեցնում է արտահերթ ընտրություններով ՕՐՎԱ ԽՈՐՀՈՒՐԴԸ: Սեպտեմբերի 26 Փաշինյանը դիմեց ադրբեջանցի իր գործընկերներին` ասելով՝ եկեք չարտահոսենք գաղտնի ինֆորմացիա. Արթուր Դանիելյան Տիգրան Ուլիխանյանը վայր կդնի մանդատը Գործին խոչընդոտելու անգամ 1 տվյալ չունեն եւ ասում են՝ հիմա պիտի Գագիկ Ծառուկյանին կալանավորենք, որ չխոչընդոտի. Երեմ Սարգսյան Կառավարությունում քննարկվել է Հանրային ներդրումների կառավարման հայեցակարգի նախագիծը Ֆրանսահայ բժիշկը ահազանգում է․ թույլ չեն տալիս՝ դեղերը հասնեն Արցախ Կասկադում քանդել են բեյրութահայի 5 տարվա սրճարանը (տեսանյութ) Տեսա՞ք, թե ինչ է բանակցել, տեսա՞ք, թե հայ ժողովրդի թիկունքում ինչ դավաճանության է գնացել. Միհրան Հակոբյան
Խմբագրի ընտրություն
website by Sargssyan