«Մակաբույծներ» ֆիլմը նվաճեց Օսկար 2020-ի գլխավոր մրցանակը

ԵՐԵՎԱՆ, 10 ՓԵՏՐՎԱՐԻ, Panorama.am: Օսկար-2020 92-րդ մրցանակաբաշխության լավագույն ֆիլմ անվանակարգում հաղթող ճանաչվեց «Մակաբույծները» ֆիլմը: Այս մասին գրում է hollywoodreporter-ը։՚

Ֆիլմի ռեժիսոր Պոն Ջուն Հոն էլ դարձավ հաղթանակ տարավ լավագույն ռեժիսոր անվանակարգում։ «Մակաբույծները» ֆիլմը հաղթող է նաև օրիգինալ սցենար և լավագույն օտարերկրյա ֆիլմ անվանակարգերում։

Տարվա լավագույն դերասան անվանակարգում հաղթող ճանաչվեց Յոակին Ֆենիքսը՝ Ջոկեր ֆիլմի դերակատարման համար, լավագույն դերասանուհի՝ Ռենե Զելվեգերը՝ Ջուդի ֆիլմի համար։

Երկրորդ պլանի լավագույն դերասանն է Բրեդ Փիթը՝ «Մեկ անգամ Հոլիվուդում» ֆիլմի դերակատարության համար. դերասանուհին՝ Լորա Դերնը՝ Ամուսնության պատմություն ֆիլմի համար։

Լավագույն օրիգինալ երգ անվանակարգում հաղթեց Ռոքեթմեն ֆիլմի երաժշտությունը, որի հեղինակներն են Էլթոն Ջոնն ու Բեռնի Տոպանը։