Մահացել է ժողովրդական արտիստ Երվանդ Մանարյանը
20/02/2020 10:05
Նմանատիպ
ԵՐԵՎԱՆ, 20 ՓԵՏՐՎԱՐԻ, Times.am: Մահացել է ՀՀ արվեստի վաստակավոր գործիչ, ժողովրդական արտիստ Երվանդ Մանարյանը։
Այս մասին լուրը Ֆեյսբուքի իր էջում հայտնել է «Փոփոխությունների թատրոնի» գեղարվեստական ղեկավար Հայկ Սեկոյանը:
«Իմ և բոլորիս սիրելի պապիկը մահացավ», – գրել է նա և կից հրապարակել իր և դերասանի լուսանկարը։
Նշենք, որ Երվանդ Մանարյանը ծնվել է Իրանում 1924 թվականին։ Սովորել է տեղի Հայկազյան դպրոցում, ապա՝ Թեհրանի ամերիկյան և պարսկական քոլեջներում։ 1946 թվականին ներգաղթել է Հայաստան, սովորել Երևանի գեղարվեստա-թատերական ինստիտուտում, որի ռեժիսորական ֆակուլտետն ավարտել է 1952 թվականին։
Հետևեք մեզ նաև Telegram-ում