Կոտայքի ու Գեղարքունիքի մի քանի համայնքում վթարային ջրանջատում է

ԵՐԵՎԱՆ, 26 ՓԵՏՐՎԱՐԻ, Times.am: «Վեոլիա Ջուր» ընկերությունը տեղեկացնում է իր հաճախորդներին և սպառողներին, որ «Լճաշեն» պոմպակայանում տրանսֆորմատորի վթարի հետևանքով ս.թ. փետրվարի 26-ին ժամը 09:30-20:00 կդադարեցվի Գեղարքունիքի մարզի՝ Սևան քաղաքի, այդ թվում Գագարինավան թաղամասի, Վարսեր գյուղի և Կոտայքի մարզի Ջրառատ գյուղի ջրամատակարարումը:

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: