AM | RU
USD
EUR
RUB

Արցախը երկու քարի արանքում

 

ԵՐԵՎԱՆ, 28 ՄԱՐՏԻ, Times.amԱրցախում ընտրություններին մնացել են հաշված օրեր։ Զուգահեռ շատանում են խոսակցությունները, թե արդյոք տեղին է ընտությունները կազմակերպել այս օրերին, երբ օրեցօր Հայաստանում մեծանում է կորոնավիրուսի տարածման աշխարհագրությունը։ Չնայած Արցախում դեռևս չեն հայտաբերվել վարակի դեպքեր, սակայն փորձը ցույց է տվել, որ այս վարակից ոչ ոք ապահովագրված չէ։ 

Ընտրությունների կազմակերպման հարցում հանրային-քաղաքական դաշտում առկա է երկու մոտեցում։ Մի կողմը պնդում է, որ պետք է հետաձգվեն ընտրությունները, քանի որ ընտրատեղամասերում մարդկանց կուտակումները հակասում են հակավիրուսային պայքարի ընդունված քաղաքականությանը։ Թեկնածուներից վեցը (ներառյալ Մասիս Մայիլյանը) արդեն իսկ համաձայնվել են ընտրությունները հետաձգելու գաղափարին։ Վիտալի Բալասանյանը, ըստ էության, նույնպես կողմ է դրան։ Նա առաջարկել է Արցախում հայտարարել արտակարգ դրություն, ինչը ենթադրում է, որ այդ ընթացքում ընտրություններ չեն կարող տեղի ունենալ։

Հակառակ ճամբարում պնդում են, որ դեռևս անհայտ է որքան կտևի վիրուսի տարածումը և քանի դեռ Արցախում չկան վարակվածներ, պետք է հնարավորինս շուտ կազմակերպել ընտրությունները։ Այսպիսի տեսակետ ունի թեկնածուներից Արայիկ Հարությունյանը։

Երկու կողմերի փաստարկները տրամաբանական են։ Սակայն երկու դեպքում էլ կան ռիսկեր, որոնց մասին արժե խոսել։

Եթե չհետաձգվեն ընտրությունները առաջին հերթին վտանգ կա, որ կարող է քաղաքացիների մասնակցության պակաս լինի։ Այս օրերին, երբ ամբողջ աշխարհում մարդկանց կոչ են անում տանը մնալ, արցախցիները գուցե զգուշանան ընտրությունների գնալուց։ Սա նաև լավ արդարացում կլինի նրանց համար, ովքեր առանձնապես հետաքրքրված չեն ընտրություններով։ Այս պայմաններում կտուժի ոչ միայն հաղթող թեկնածուի, այլ առհասարակ ընտրությունների լեգիտիմությունը։

Իրավիճակը ավելի կբարդանա, եթե օրինակ, ընտրությունների նախորդ օրերին պարզվի, որ վարակը թափանցել է նաև Արցախ։ Սա անկառավարելի վիճակ կստեղծի։ Ավելորդ է ասել, որքան կտուժի մասնակցությունը, անգամ կարող է ընտրության օրը նվազագույն մասնակցության շեմը չհաղթահարվի, ինչը ավելորդ լարվածություն կստեղծի Արցախում։
Բացի այդ կա ևս մեկ կարևոր հանգամանք։ Դա միջազգային հանրության ներկայության անհնարինությունն է, կամ քանակական սահմանափակումները։ Այս օրերին արտաքին աշխարհի հետ կապը գրեթե ընդհատվել է։ Գումարած սրան Արցախը առանց այն էլ միջազգային հանրության համար ամենահաճախ այցելվով վայրերից չէ։ Սա նշանակում է, որ կարևոր հնարավորություն կկորսվի՝ արտաքին աշխարհին Արցախի սուբյեկտայնությունը և ժողովրդավար լինելը ևս մեկ անգամ ցույց տալու համար։

Այն դեպքում, եթե ընտրութունները հետաձգվեն, ապա կա վտանգ, որ ներքին լարվածությունը ավելի կմեծանա՝ իշխանության համար պայքարի առումով։ Իշխանության խաղաղ անցումը կարող է պարպել այդ լարվածությունը, եթե իհարկե ընտրությունների արդյունքը լինի ընդունելի բոլորի համար։ Այս ընթացքում որոշ թեկնածուների ձեռամբ հանրային դիսկուրսը բավական բևեռացել է, ինչը նաև իր տեղային դրսևորումները ստացավ իրական կյանքում։ Չկա երաշխիք, որ այս երևույթները ավելի չեն սրվի, թեև չպետք է նաև մոռանալ, որ վիրուսի տարածումը կարող է հասարակական համախմբման համար կարևոր գործոն լինել։

Իհարկե դեռևս հայտնի չէ որքան ժամանակ Հայաստանում կտևի կորոնավիրուսի տարածումը, հետևապես դժվար է կանխատեսել նաև, թե հետաձգելու դեպքում որքան կշարունակեն կառավարել գործող իշխանությունները։ Տնտեսական գալիք խնդիրները նույնպես կարող են անբարենպաստ հող ստեղծել այս առումով։ Գործող իշխանություններն արդեն «ճամպրուկները հավաքել են» և նոր ծրագրեր ու ռազմավարական լուծումներ առաջարկելը դժվար կլինի նրանց համար։

Այսպիսով, նախքան ընտրություններն Արցախի գործող իշխանությունները ևս մեկ ընտրություն պետք է կատարեն՝ երկու դեպքում էլ ռիսկի դիմելով։ Վիրուսի տարածումը արգելափակել հնարավոր չէ, ընտրություններն անվերջ հետաձգել՝ նույնպես։ Հետևապես, ընտրությունը ցավոտ է լինելու, հենց այդ պատճառով էլ պետք է հնարավորինս մեծ կոնսենսուս ստեղծվի այդ որոշման շուրջ և այդ որոշումը պետք է կայացվի բոլոր թեկնածուների հետ միասին, մեկ սեղանի շուրջ։

Կարեն ՀԱԿՈԲՅԱՆ

Լրահոս
Խոշոր հրդեհ Մատենադարանի հետնամասում․ դեպքի վայր է մեկնել 6 մարտական հաշվարկ (տեսանյութ) Ռուսաստանն իր նորագույն պատմության մեջ առաջին անգամ տիրապետում է լավագույն և ամենակատարյալ զենքին, որից ոչ ոք չունի. Պուտին Ամենաարդյունավետ նիհարելու միջոցը՝ առանց դիետաների Առաջիկայում սահմանին սադրանքների մեծ ռիսկը կպահպանվի․ Տիգրան Աբրահամյան Եթե այս վիճակից դուրս չգանք, իրոք անդունդի մեջ ենք. Գագիկ Ծառուկյան (տեսանյութ) Ազատության հրապարակում իշխանության հրաժարականի պահանջով հանրահավաք տեղի ունեցավ (տեսանյութ) Հունիսի 18-ից ՍԴ-ն որոշում չի կարողացել կայացնել. Արամ Վարդևանյան ՀՀ տարածքում ջերմաստիճանն աստիճանաբար կնվազի Հակառակորդի կողմից հրադադարի պահպանման ռեժիմը խախտվել է շուրջ 295 անգամ Իրանը մտադիր է վրեժ լուծել գեներալ Սուլեյմանիի սպանության մասնակիցներից Արձակուրդից վերադառնալուց հետո Հրայր Թովմասյանը մասնակցել է բոլոր նիստերին. ՍԴ Ինչից է ՁԵԶ փորձում զրկել «հեղափոխությունը». Արփինե Հովհաննիսյան «Պռոշյանի գինու գործարան»-ում պայթյունի հետևանքով տուժածներից մեկը մահացել է Արցախի Ազգային ժողովի նստավայրը Ստեփանակերտից կտեղափոխվի Շուշի Սպասվում են լրջագույն քաղաքական զարգացումներ, որտեղ «Հայրենիք» կուսակցությունն ունենալու է առանցքային դեր․ Արթուր Վանեցյան Հայաստանում կորոնավիրուսով վարակվելու հաստատված դեպքերը «Տեսողությունս կորցնելուց հետո եմ միայն իմացել, որ գարդասիլի պատվաստում եմ ստացել» «Ժողովուրդ»․ Շուտով կհայտարարվի նախաքննության ավարտի մասին «Հրապարակ»․ Երկրի վարչապետն ավելի կարևոր մտահոգություն ունի, քան մեր երկրի սոցիալ-տնտեսական վիճակն ու բյուր խնդիրները «Ժողովուրդ»․ Առաջիկայում Հայաստանում նոր թանկացումներ կլինեն և արդեն կան «168 ժամ». Քաղաքական բանավեճի ու մշակույթի մակարդակն իջել ու իջնում է՝ հասնելով անթույլատրելի ցածր կետի «Հրապարակ». Ձեր երկրում անասելի շատ քրգործեր են հարուցվում, որոնք ոչ մի հանգրվանի չեն հասնում․ ՀՀ-ում ՌԴ դեսպան «Հրապարակ». Խաչատուր Սուքիասյանը իշխանության փիարը նոր մակարդակի է հասցնում ՕՐՎԱ ԽՈՐՀՈՒՐԴԸ: Սեպտեմբերի 19 «Իմ քայլը» հիմնադրամը նորաստեղծ ՀԿ-ին մոտ 96 մլն դրամ էր տվել՝ նոյեմբերին Համալիրում կազմակերպված փառատոնի համար Նոր չարտերային չվերթներ Մոսկվայից Երևան Պաշտպանվել սեփական կառավարությունից Նիկոլ Փաշինյանի հրաժարականի պահանջով բողոքի ակցիա՝ Մատենադարանի դիմաց. ՏԵՍԱՆՅՈՒԹ Այլևս չենք զարմանում մեզ հարևան որոշ երկրների դրսևորած վանդալիզմից. Հայրապետյան «Հայրենիք» կուսակցությունը խորհրդի նիստ է անցկացրել «Մտքովդ չանցնի, որ պետութունն ու ժողովուրդը վճարելու են քո ճակատագրական սխալների գինը». Աշոտյանը՝ վարչապետին Հայաստանում կա էլիտա, որը կարող է փոխարինել այս իշխանություններին. Ռոբերտ Քոչարյան (տեսանյութ) Ճիշտ չէ, որ բանակում չծառայած մարդն ասի՝ բոլորդ պետք է ծառայեք. Գորգիսյան Թո՛ղ գան, խոսե՛ն մարդկանց հետ. Ամուլսարի հարակից համայնքի բնակիչները Կառավարությանը հրավիրում են համայնք (Տեսանյութ) «Qatar Airways»-ը դեպի Երևան թռիչքները հոկտեմբերի 5-ից կդարձնի ամենօրյա Ես ասել ու ասում եմ՝ եթե պետությունը քայլեր չանի, փոփոխություններ չկատարի, մենք օր օրի անդունդ ենք գնալու. Գագիկ Ծառուկյան (տեսանյութ) Արցախի նախագահն ընդունել է ՀՀ ԱԳՆ պատվիրակությանը Սորոսական շրջանակնե՞րն են Բաթոյանին ջրից չոր դուրս բերում․ «Մեդիա պաշտպանի» մշտադիտարկումները մամուլում ՀՀ տարածքում վաղվանից ջերմաստիճանն աստիճանաբար կնվազի Արմավիրի մարզում մի քանի գյուղերի բնակիչներ փակել են Էջմիածին-Մարգարա ճանապարհը
Խմբագրի ընտրություն
website by Sargssyan