Պաշտպանության նախարարությունը հայտարարություն է տարածել

ԵՐԵՎԱՆ, 3 ԱՊՐԻԼԻ, Times.am: «ՌԴ Մոսկվայի զինվորական դիրիժորների ռազմական ինստիտուտում «Զինվորական փողային նվագախմբի դիրիժորություն» մասնագիտությամբ սովորելու համար հայտարարվում է արական սեռի մինչև 23 տարեկան միջնակարգ կամ միջնակարգ մասնագիտական (երաժշտական) կրթություն ունեցող երիտասարդների 2020-2021 ուսումնական տարվա ընդունելություն: Այս մասին Analitik.am-ը տեղեկանում է ՀՀ ՊՆ մամուլի ծառայությունից։

Ուսուցման տևողությունը 5 տարի է: Ավարտելով կուրսանտական դասընթացը և հանձնելով ավարտական պետական քննությունները, շրջանավարտները կստանան «լեյտենանտ» սկզբնական զինվորական կոչում և դիպլոմ` զինվորական փողային նվագախմբի զինվորական դիրիժորի որակավորմամբ:

Ընդունելության հետ կապված ամբողջական տեղեկատվություն ստանալու համար դիմել ՀՀ զինված ուժերի գլխավոր շտաբի ռազմանվագախմբային ծառայություն` 010 29-44-48 հեռախոսահամարով»,- ասված է հաղորդագրության մեջ: