Ոստիկանապետը եղել է հիվանդանոցում և նրան ևս բաժին է հասել քյավառցիների քոթակից. Նարեկ Մալյան
Նմանատիպ
ԵՐԵՎԱՆ, 29 ԱՊՐԻԼԻ, Facebook: Ուրեմն մի դեպք հիշեցի, կարծեմ 2013 թվականն էր:
ՀԱԿ երիտասարդ ակտիվիստներ, թվով 3 հոգի գնացել էին ոստիկանություն ինչ որ քաղաքական ակցիա էր: Գնացել էին հանցագործության մասին հաղորդում տալու: Մեկը Սիփան Փաշինյանն էր, մյուսներին հիմա չեմ հիշում:
Ուրեմն էս էրեխեքին ոստիկանության բաժնում ասել էին սպասեք, հիմա կընդունենք ձեր հաղորդումը:
Մոտ 40 րոպե անց ակտիվիստներին շատ կոպիտ սկսել էին բերման ենթարկելու գործընթաց:
Ես տեղեկանալով այդ մասին, մտնում եմ Վլադիմիր Գասպարյանի մոտ:
-Նարեկ, ինձ զեկուցել են, որ ակտիվիստները 30 հոգով փորձել են հարձակվել բաժնի վրա:
Պարզվում է ոստիկանության բարձրաստիճան պաշտոնյաներից մեկը որոշել է քաղաքական «մուտիլովկա» անել ու կեղծ տվյալներ է զեկուցել: Գիտեին, որ Գասպարյանը բաժնի նկատմամբ ոտնձգությունները շատ սուր էր տանում:
Սկսեցի պատմել, որ սուտ են զեկուցել…
Գասպարյանը վերցրեց հեռախոսը զանգահարեց այդ պաշտոնյային:
-Լսիր, Պողոս (անունը պայմանական է), ասում ես քանի՞ հոգով են եղել ակտիվիստները…
-ԴԵ մի 25-30 կլինեին պարոն գեներալ:
-Ավելի կոնկրե՞տ:
-Դե հաստատ 15-20 կլինեին..
-Հստակ թիվ ասա,- արդեն բարկացած հարցրեց Գասպարյանը:
-Իմ իմանալով մոտ 10…
-էլի իջնելու տեղ ունես…
– 3 հոգի են եղել պարոն ոստիկանապետ:
Հաջորդիվ չասեմ ինչ կատարվեց: Միայն տեղեկացնեմ որ երեք իրադարձություն եղավ:
1. Իսկույն ազատվեցին ակտիվիստները:
2. Համակարգից անվերադարձ հեռացվեց ստախոս պաշտոնյան:
3. ՀՀ ոստիկանության բոլոր բաժինների մուտքերի դիմաց և հերթապահ մասերում տեղադրվեցին տեսախցիկներ առնվազն 2 ամիս տեսանյութը պահպանելու հնարավորությամբ:
Հ.Գ. Երեկ Գավառում հիվանդանոցի վրա հարձակվողները եղել են մոտ 10 հոգի: Ոստիկանապետը 4-5 ոստիկանի հետ եղել է հիվանդանոցում ու անձամբ նրան ևս բաժին է հասել քյավառցիների քոթակից: Մնացածը թե պաշտոնապես ինչ ու ոնց կհերքեն ու կհաստատեն ծիծաղելի կլիներ, եթե այսքան ողբերգական չլիներ…
