Ռուսաստանում վնասազերծել են ահաբեկչություն պատրաստող ԻՊ-ի կողմնակիցների, նրանց թվում Ադրբեջանի քաղաքացի կա
Նմանատիպ
ԵՐԵՎԱՆ, 30 ԱՊՐԻԼԻ, Tert.am: Ռուսաստանի Եկատերինբուրգ քաղաքում վնասազերծվել է «Իսլամական պետություն» ահաբեկչական խմբավորման կողմնակից, ահաբեկչություն պատրաստող 3 հանցագործ: Նրանք Ռուսաստանի Դաշնության քաղաքացիներ են, նրանցից մեկն ունի նաև Ադրբեջանի քաղաքացիություն:
Այս մասին տեղեկացնում է ՏԱՍՍ գործակալությունը` հղում անելով հատուկ ծառայություններում իր աղբյուրին:
«Ահաբեկչական գործողություններում ներգրավված բոլոր երեք հանցագործները Ռուսաստանի քաղաքացի են: Նրանցից մեկն ունի նաև Ադրբեջանի քաղաքացիություն: Գործողությունն անցկացվել է Եկատերինբուրգի արվարձաններից մեկում, որտեղ նրանք տուն էին վարձել»,– տեղեկացրել է գործակալության զրուցակիցը:
Աղբյուրի տվյալներով՝ գործողության անցկացման ընթացքում հարևան տներից տարհանվել է շուրջ 50 մարդ:
Ապրիլի 30-ի գիշերը հակաահաբեկչական գործողության ռեժիմ էր հայտարարվել: Ազգային հակաահաբեկչական կոմիտեն տեղեկացրել էր, որ չեզոքացվածները «Իսլամական պետություն» ահաբեկչական կազմակերպության կողմնակիցներ են: Դեպքի վայրում հայտնաբերվել են ինքնաշեն պայթուցիկներ, զենք և զինամթերք: Քաղաքացիական բնակչության և իրավապահ ուժերի շրջանում տուժածներ չկան:
Հետևեք մեզ նաև Telegram-ում