Ռոհանին և Էրդողանը քննարկել են համավարակի պայմաններում օդային սահմանները բացելու հարցը
24/05/2020 17:29
Նմանատիպ
ԵՐԵՎԱՆ, 24 ՄԱՅԻՍԻ, Tert.am: Իրանի և Թուրքիայի նախագահներ Հասան Ռոհանին և Ռեջեփ Թայիփ Էրդողանը կիրակի քննարկել են օդային սահմանների բացումը կորոնավիրուսի պայմաններում: Այս մասին հայտնում է РИА Новости-ն՝ հղում անելով Իրանի նախագահի կայքին:
«Ներկայիս պայմաններում ծովային և օդային սահմանների բացումը՝ բժշկական կարգուկանոնի պահպանմամբ, ինչպես նաև առևտրի և բեռնափոխադրման վերականգնումն անհրաժեշտություն են»,- իրանցի ղեկավարի կայքի հայտարարության համաձայն՝ Ռոհանին ասել է Էրդողանի հետ զրույցում:
Թուրքիայի նախագահն, իր հերթին, ընդգծել է, որ այդ առնչությամբ անհրաժեշտ հրահանգներ կտրվեն:
Առաջնորդները քննարկել են նաև կորոնավիրուսի տարածմանը դիմակայելու հարցում տեղեկության և փորձի փոխանակումը՝ ընդգծելով այդ գործընթացի կարևորությունը:
Հետևեք մեզ նաև Telegram-ում