Երևանի բոլոր վարչական շրջաններում իրականացվելու են ռեյդեր․ ՀՀ ոստիկանապետ

Երևանի բոլոր վարչական շրջաններում իրականացվելու են ռեյդեր․ ՀՀ ոստիկանապետ

ԵՐԵՎԱՆ, 3 ՀՈՒՆԻՍԻ, Tert.amՈստիկանության բոլոր ստորաբաժումները, ներգրավված լինելով ՀՀ-ում հակահամաճարակային այս գործընթացը քաղաքացիների կողմից կանոնների պատշաճ կատարման ապահովելու մեջ, իրականացնում և շարունակելու է իրականացնել կոնկրետ միջոցառումներ։ Այս մասին այսօր ճեպազրույցում ասաց ՀՀ ոստիկանապետ Արման Սարգսյանը։

Նրա խոսքով՝ Երևանի բոլոր վարչական շրջաններում իրականացվելու են ռեյդեր։

«Արդեն իրականացվել են մի շարք վարչական շրջաններում։ Ունենք վարչական շրջաններ, որտեղ արդեն քանիցս իրականացվել են ռեյդեր, ստուգելու նախկինում քաղաքացիների մոտ արձանագրված խախտումների կրկնության հավանականության, ինչպես նաև տնտեսվարող սուբյեկտների կողմից պահանջվող կանոնների պահպանումը»,- ասաց ոստիկանապետը

Սարգսյանի խոսքով` ռեյդերն իրականացվում են տեսչական մարմինների հետ փոխգործակցված, տեսչական մարմինների հետ որոշվում են վարչական շրջանները և հանկարծակիության սկզբունքով իրականացվում են այդ ստուգումները՝ բոլոր մարմիններում։

Նրա խոսքով ՀՀ-ում արտակարգ դրության իրավական ռեժիմի սահմանումից հետո ոստիկանության տարբեր ստորաբաժանումների և ծառայողների կողմից կազմվել է վարչական իրավախախտման 20 հազար 700-ից ավելի վարչական արձանագրություն է կազմվել, իսկ երեկ 931 վարչական արձանագրություն՝ հիմնականում քաղաքացիների և վարորդների կողմից դիմակ չկրելու փաստերով։

Հետևեք մեզ նաև Telegram-ում