AM | RU
USD
EUR
RUB

«Փաստ». Այս մար­դիկ չեն կա­րող ո՛չ կա­ռա­վա­րել, ո՛չ էլ ճիշտ գոր­ծել

 

2018թ. մայիսից մինչև 2020 թ. մարտ ամիսը մեկ կառավարման մեթոդ և մեկ նպատակ է ակնհայտ եղել: Այս կարծիքին է կառավարման փորձագետ, Շիրակի պետական համալսարանի դասախոս Արթուր Համբարձումյանը: «Մինչև վարակի մասին պաշտոնապես հայտարարելը, մեզ մոտ կառավարումը եղել է հետևյալ կերպ. անել այնպես, որ իշխանության բոլոր ճյուղերը ենթարկվեն մեկ կենտրոնի:

Այսինքն, Նիկոլ Փաշինյանի բոլոր գործողությունները միտված են եղել այդ կետին, այդ իդեա-ֆիքսին: Բոլոր գործողությունների հիմքում ընկած է եղել հենց նշված գերնպատակը: Բացի այդ, ՀՀ-ն կակոկրատիայի՝ անարժանների կողմից կառավարվելու իմաստով է աչքի ընկել»,- «Փաստի» հետ զրույցում ասաց Ա. Համբարձումյանը:

Խոսելով արդեն համաճարակից հետո ընկած ժամանակահատվածի մասին՝ նա շեշտեց. «Երբ մարտի 1-ին արդեն իշխանությունների կողմից պաշտոնապես արձանագրվեց վարակի առկայության մասին, Ն. Փաշինյանը շարունակեց իր իդեա-ֆիքսը ու հանրահավաքներ կազմակերպեց: Սա առաջին ու ամենամեծ ցուցիչն էր:

Հակաճգնաժամային կառավարում իրականացնելու ժամանակ հանրահավաք էր արվում, շարունակվում էր նաև հասարակությանը երկփեղկելու գործընթացը: Առհասարակ, նորմալ պայմաններում կառավարելու համար պետք են «x» գիտելիքներ ու հմտություններ, իսկ կրիզիսային իրավիճակներում ճգնաժամային կառավարման համար ավելի մեծ գիտելիքներ ու հմտություններ են անհրաժեշտ:

Եվ սա վերաբերում է թե՛ կազմակերպություններին, թե՛ պետության կառավարմանը: Բայց մենք տեսանք, որ այս մարդիկ ոչ միայն նորմալ պայմաններում չէին կարողանում կառավարում իրականացնել, ինչի հետևանքով երկիրը պերմանենտ ներքին ցնցումների մեջ էր ընկնում, այլև չեն կարողանում կառավարել նաև համաճարակի ժամանակ:

Ու սպասել, որ նման կրիզիսային իրավիճակում Փաշինյանը կկարողանար իրականացնել այնպիսի կառավարչական գործողություններ, որոնք կպաշտպանեին քաղաքացիների առողջապահական անվտանգությունը, մեծագույն միամտություն է:

Համաճարակի պայմաններում այս կառավարության կողմից բացարձակապես որևէ թիրախային, նպատակային քայլ չի իրականացվել: Ավելին՝ եղել են քայլեր, որոնք էլ ավելի են վնասել ՀՀ քաղաքացիներին, ասվել են արտահայտություններ, որոնք էլ ավելի են խճճել ընդհանուր մթնոլորտը»:

Այս առումով նա օրինակ բերեց պաշտոնյաների հակասական հայտարարությունները: «Առողջապահության նախարարն ասում էր մեկ բան, կառավարության ղեկավարը՝ մեկ այլ բան: Կառավարության ղեկավարն ասում էր՝ կորոնավիրուսը վտանգավոր հիվանդություն չէ, առողջապահության նախարարն ասում էր՝ վտանգավոր է, հետո առողջապահության նախարարն էր ասում վտանգավոր չէ, իսկ վարչապետն ասում էր՝ վտանգավոր է: Հետո էլ մեկն ասում էր դիմակ կրել պետք չէ, մյուսը՝ պետք է:

Ու այսպես շարունակ: Ընդհանուր առմամբ, թիրախային ու նպատակային քայլերի բացակայության ֆոնին մենք այսօր ունենք այն, ինչ ունենք: Ու առկա բացասական արդյունքի ֆոնին վարչապետը հայտարարում է, թե Հայաստանի Հանրապետությունը համավարակի հետ կապված որոշ ցուցանիշներով դրական տեսանկյունից առաջ է շատ երկրներից: Փաստ է, որ այս մարդիկ չեն կարող ո՛չ կառավարել, ո՛չ էլ ճիշտ գործել:

Բայց սա չէ ամբողջ դժբախտությունը: Խնդիրն այն է, որ այս մարդիկ անգամ չեն կարող ընդունել, որ իրենք սխալվել են, չեն կարող ընդունել իրենց պատասխանատվությունը», -ընդգծեց մեր զրուցակիցը՝ հավելելով, որ դրա վառ ապացույցը կայացվող հախուռն ու անմիտ որոշումներն են:

«Մեկ այլ խնդիր էլ կա. մենք այս ընթացքում չենք ունեցել կոմպետենտ մարդկանց խոսք: Պարետը, վարչապետը այն մասնագետնե՞րն են, որ դուրս գան ու խոսեն բժշկական նեղ թեմաներից: Անգամ մասնավոր զրույցներում վիրաբույժն է ասում՝ ես վարակաբան չեմ և չեմ կարող որոշ հարցերի պատասխանել:

Նեղ մասնագիտական թեմաների հետ գործ ունենք, որոնց մասին պետք է նեղ մասնագետները խոսեն, իսկ մենք չենք լսել այդ մարդկանց: Մենք լսել ենք վարչապետին, որը ՀՀ գլխավոր դատախազն է, գլխավոր դատավորն է, գլխավոր բժիշկն է, գլխավոր սահմանադրագետն է, գլխավոր վարակաբանը և այսպես շարունակ»,-շեշտեց փորձագետը:

Նա մատնանշեց նաև պաշտոնյաների կոչերին չհետևելու պատճառների մասին. «Վարչապետը, առողջապահության նախարարն օրումեջ հակասական հայտարարություններ են անում: Առհասարակ, երբ մարդն օրումեջ ինքն իրեն հակասում է, այդ մարդուն սկսում են այլևս լուրջ չվերաբերվել:

Ինչպե՞ս կարող է քաղաքացին լուրջ վերաբերվել մարդկանց, ովքեր մեկ շաբաթվա կամ տասը օրվա ընթացքում տասն անգամ կարծիք են փոխում:

Որպեսզի մարդիկ հավատան ինչ-որ մեկին, լսեն կոչերը, այդ կոչերով հանդես եկողները պետք է հեղինակություններ լինեն, իսկ հեղինակությունը վաստակում են: Հիմա այս մարդիկ ոչ թե հեղինակություն, այլ ուղիղ հակառակն են վաստակել»:

Անդրադառնալով իշխանությունների կողմից արտակարգ դրության պայմաններում մի շարք ոլորտներում կենտրոնացված կառավարում ապահովելու մտադրությանը՝ Ա. Համբարձումյանը նշեց.

«Ես չգիտեմ՝ իրենք ինչ են հասկանում կենտրոնացված կառավարում ասելով: Ըստ էության, այսօր ՀՀ-ի ընթացիկ կառավարումն իրականացվում է բյուրոկրատական համակարգի կողմից: Հենց այդ կառավարումն է, որը թույլ չի տալիս, որ երկիրը վերջնականապես քաոսի վերածվի: Եվ այդ բյուրոկրատական համակարգում հայեցողական պաշտոններ զբաղեցնողներն են, քաղծառայողները և այսպես շարունակ: Ն. Փաշինյանը փորձում է քաղաքական կառավարում իրականացնել, բայց դա իր մոտ չի ստացվում:

Նա ընդամենը կառավարման իմիտացիա է ստեղծում: Արտակարգ դրության պայմաններում առաջին հերթին իշխող ուժը, կառավարող անձինք պետք է ծայրահեղ զսպվածություն, ծայրահեղ հանդուրժողականություն, խոհեմություն և իմաստություն ցուցաբերեն: Արտակարգ դրություններում կառավարումը հենց սա է ենթադրում: Սա անհրաժեշտ, բայց, միևնույն ժամանակ, ոչ բավարար նախապայման է: Այսինքն, դու պետք է նման վարքագիծ ունենաս, որ հետագայում արդեն սկսես կառավարչական ճիշտ որոշումներ կայացնել: Բայց մենք չենք տեսել անհրաժեշտ պայմանը, ուր մնաց խոսենք բավարար պայմանների մասին:

Ես դեռ երկու ամիս առաջ խնդրեցի, հորդորեցի, որ ստեղծվի մի խումբ, որի մեջ կընդգրկվեն պրոֆեսիոնալ բժիշկներ, տնտեսագետներ, մարդիկ, ովքեր օժտված կլինեն որոշակի կառավարչական որոշումներ կայացնելու լիազորություններով և որոնց անմիջական ցուցումներով ՀՀ-ն կկարողանա նվազ կորուստներով դուրս գալ այս իրավիճակից: Նման կոչեր շատ են եղել, բայց մենք ասացինք, մենք լսեցինք:

Զրո արձագանք, զրո արդյունք: Մենք նույն քվազի-կառավարման ոճը տեսել ենք թե՛ մարտին, թե՛ ապրիլին, թե՛ մայիսին. այդպես նաև հիմա է շարունակվում»: Փորձագետը շեշտեց՝ մտավախություն ունի, որ մենք արդեն կորցրել ենք վերադարձի կետ հասնելու հնարավորությունը:

«Այս ճգնաժամն իր հերթին արդեն հանգեցրել է սոցիալական ճգնաժամի: Այս ճգնաժամը նաև խորը տնտեսական ճգնաժամի է հանգեցնելու: Ես էլի եմ առիթ ունեցել ասելու, որ թեպետ համավարակը վտանգավոր է, բայց այն այդքան վտանգավոր չէ, որքան իր թողած հետևանքները, որոնք մենք դեռ պետք է զգանք ու տեսնենք:

Իսկ հետևանքների, այսպես ասած, առաջն առնելու համար մերիտոկրատիկ կառավարում է անհրաժեշտ»,-ասաց նա՝ ընգծելով այս իշխանության շուրջ համախմբվելու անհնարինության մասին:

«Թե՛ հասարակության, թե՛ քաղաքական դաշտի պառակտումը վարչապետի գործունեության ուղղակի արդյունքն է: Ինքն է մարդկանց բաժանել սևերի- սպիտակների, նախկինների-ներկաների և այլն: Ու ոչ միայն բաժանում է, այլև ինքն է նշանակողը. ինքն է ասում՝ ով է սև, ով՝ սպիտակ, ով է թալանչի, ով թալանչի չէ»,-եզրափակեց Ա. Համբարձումյանը:

Լրահոս
Զոհրաբ Մնացականյանը հեռախոսազրույցներ է ունեցել Հունաստանի և Կիպրոսի ԱԳ նախարարների հետ. ՀՀ ԱԳՆ Կոչ ենք անում Թուրքիային դադարեցնելու Հունաստանի և Կիպրոսի բացառիկ տնտեսական գոտիներում բոլոր գործողությունները. ՀՀ ԱԳՆ Հակակոռուպցիոն դատարանի ստեղծումը որևէ հիմնավորում չունի. Երվանդ Վարոսյան Տեղի է ունեցել Սահմանադրական բարեփոխումների մասնագիտական հանձնաժողովի հերթական նիստը Այդ ո՞ր չորս հեռուստաընկերություններն են, որ խաթարել են հպարտ քաղաքացու հոգու անդորրը. Հարություն Հարությունյան Արցախի ուղղությամբ Ադրբեջանից արձակված կրակոցների թիվն աճում է. Տիգրան Աբրահամյան Զինվորական երդման արարողություն ՊԲ զորամասերից մեկում Այս շաբաթ հակառակորդն ավելի մեծ թվով կրակոցներ է արձակել. ԱՀ ՊՆ Ադրբեջանական ոչ մի կառավարություն չի կարող զիջել Ղարաբաղը, եթե փոխարենը ոչինչ չստանա. Փոլ Գոբլ (տեսանյութ) «Եկա, տեսա, խոստացա, չարեցի ու գնացի»․ Նաիրա Զոհրաբյանը՝ Մեսչյանին Բելառուսում Արևմուտքի և Ռուսաստանի համաձայնության չգալը մեծ ռիսկեր է առաջանցում նաև մեզ համար. Արման Սաղաթելյան (տեսանյութ) Ռուսաստանում սկսվել է կորոնավիրուսի դեմ պատվաստանյութի արտադրությունը. ստացվել է 1 միլիարդ չափաբաժնի պատվեր Պետական պարտքն աճել է 420.2 մլրդ դրամով, Կենտրոնական բանկի պարտքը՝ նվազել Լեհաստանը կֆինանսավորի անկախ բելառուսական լրատվամիջոցները Արցախում կորոնավիրուսի 1 նոր դեպք է հաստատվել Հայաստանում հաստատվել է կորոնավիրուսով վարակվելու 196 դեպք ԵՄ-ն պատժամիջոցներ կկիրառի Բելառուսի դեմ ՝ մարդու իրավունքների խախտումների համար «Ժողովուրդ».Կառավարությունը կսահմանի ուսումնական հաստատությունների` պետական բյուջեի միջոցներից ֆինանսավորման կարգ «Հրապարակ». Նիկոլ Փաշինյանն անսպասելի փոխել է իր եւ կնոջ թիկնազորը «Ժողովուրդ»․ 900 դոլար գումար ստանալու համար խառնվել է «օրենքով գողն» ու քրեական ենթամշակույթ կրող խմբավորման մասնակիցը. մանրամասներ` «օրենքով գողերի» ձերբակալություններից «Հրապարակ». Եկավ՝ ընկերոջը կարգեց քաղաքապետ ու հեռացավ «Ժողովուրդ»․ Հակակոռուպցիոն մասնագիտացված դատարանը սկսելու է գործել 2021 թ. երկրորդ կիսամյակից «Հրապարակ». Մանե Թանդիլյանն Ավստրալիայում է բուժում ստանում «Բելառուսը և Ադրբեջանը պետք է անհապաղ հեռացվեն Արևելյան գործընկերության ծրագրից»․ Սոցիալիստների և դեմոկրատների առաջադիմական դաշինք Կապիտան Ռուբեն Սանամյանը կարժանանա Ազգային հերոսի կոչման․Նիկոլ Փաշինյան Դիմակի կրում անձնական օգտագործման մեքենաներում այսուհետ պարտադիր չէ Ազգերի համագործակցության գլխավոր քարտուղարը հրավիրվել է «Մտքերի հայկական գագաթնաժողով»-ին Եվրախորհրդարանի երկրորդ ամենամեծ քաղաքական խումբն Ադրբեջանին ԱլԳ-ից դուրս մղելու կոչ է արել ԱԱԾ-ն յուրայիներով համալրելը նաև իշխանությունների վախի հետևանքն է. իրավաբան Սփյուռքի գործերի գլխավոր հանձնակատար Զարեհ Սինանյանի մամուլի ասուլիսը. Ուղիղ Ընտրական օրենսգրքի բարեփոխումների վերաբերյալ հանրային քննարկումներն. Ուղիղ Ավտոներկրողների ակցիան` Կառավարության դիմաց. Ուղիղ Ո՞րն է լինելու Հայաստանի հաջորդ քայլը Լիբանանի հարցում. Տիգրան Աբրահամյան Միջազգային հարթարկներում պոպուլիզմը վերածվում է ինֆանտիլիզմի. Արմեն Աշոտյան Հայ Դատը առաջնային ուշադրություն պիտի դարձնի նրան, որ ԱՄՆ-ն դադարեցնի Հայաստանում պարտվողականության քարոզը. Արթուր Դանիելյան ԱԺ-ում Մանե Թանդիլյանին կփոխարինի Ստեփան Ստեփանյանը Արցախում կորոնավիրուսի նոր դեպք չի գրանցվել ՀՀ էկոնոմիկայի նախարար Տիգրան Խաչատրյանի մամուլի ասուլիսը. Ուղիղ Հայաստանում հաստատվել է կորոնավիրուսով վարակվելու 276 դեպք Ի՞նչ են խոսել Պուտինն ու Ալիևը․ Հայաստանին մատակարարված ռազմամթերքի թեման միակը չի եղել
Խմբագրի ընտրություն
website by Sargssyan