Պուտինը կորոնավիրուսի դեմ պատվաստանյութ չի ստացել. Պեսկով
20/07/2020 16:05
Նմանատիպ
ԵՐԵՎԱՆ, 20 ՀՈՒԼԻՍԻ, Tert.am: ՌԴ նախագահ Վլադիմիր Պուտինը կորոնավիրուսի դեմ պատվաստանյութ չի ստացել, քանի որ այն դեռևս հավաստագրված չէ: Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է «ՌԻԱ Նովոստի» գործակալությունը:
«Ոչ: Այն դեռևս հավաստագրված չէ: Երկրի ղեկավարին այնքան էլ ճիշտ չէ ենթարկել չհավաստագրված պատվաստանյութի փորձարկմանը», –ասել է Պեսկովը:
Ինչպես ավելի վաղ տեղեկացրել էր Tert.am-ը, ՌԴ Սեչենովի անվան համալսարանն առաջինն աշխարհում հաջողությամբ ավարտել է կամավորների վրա կորոնավիրուսի դեմ պատվաստանյութի փորձարկումները: Կլինիկական փորձարկումներն անցկացվում էին հունիսի 18-ից: Պատվաստանյութը մշակվել է Գամալեայի անվան համաճարակաբանության և մանրէաբանության ազգային հետազոտական կենտրոնի մասնագետների կողմից:
Հետևեք մեզ նաև Telegram-ում